દરેક લોકો ઈચ્છે છે કે તેમની કાર લાંબા સમય સુધી ચમકતી રહે. એટલે કે તેનો કલર અને શાઈન એવીને એવી જ રહે.
અપનાવો આ ટિપ્સ
કાર રહેશે એકદમ નવા જેવી
કલર અને શાઈન રહેશે એવીને એવી
જો તમે ઈચ્છો છો કે તમારી જૂની કાર નવી કારની જેમ ચમકે તો આ ટિપ્સ તમારા ખૂબ કામ આવશે. આ ટિપ્સ ફોલો કરવાથી તમારી કારના પેઇન્ટની ચમક લાંબા સમય સુધી ટકી રહેશે. અમે તમને આ ટિપ્સ વિશે જણાવીએ. જેને અનુસરીને તમે તમારી કારના પેઇન્ટને લાંબા સમય સુધી સુરક્ષિત રાખી શકો છો.
કાર વોશિંગ
જો તમે ઈચ્છો છો કે તમારી કારનો રંગ ઝાંખો ન પડે તો તમારે કાર ધોતી વખતે ખાસ ધ્યાન રાખવું પડશે. કાર ધોવા માટે ડિટર્જન્ટનો ઉપયોગ કરશો નહીં. પેઇન્ટ પર તેની ખરાબ અસર પડે છે. કાર વોશ કરવા માટે શેમ્પૂનો ઉપોગ કરો. તે રંગને સુરક્ષિત રાખે છે. ઉપરાંત, કાર ધોવા માટે સોફ્ટ વોશિંગ ફોમનો ઉપયોગ કરો. આ સિવાય તમે સુતરાઉ કાપડનો પણ ઉપયોગ કરી શકો છો.
કાર વેક્સ/પોલિશ
કારને ધોયા પછી કાર વેક્સ કરાવો. તે ખૂબ જ સારું રહે છે. જેથી કારના પેઇન્ટ પર સૂર્યના કિરણોની ખરાબ અસર ન પડે. હકીકતે કાર પર પડતા સૂર્યના કિરણો પેઇન્ટને ઝાંખો કરે છે પરંતુ મીણ તેની અસર ઘટાડે છે. તમે કાર પર અલ્ટ્રાવાયોલેટ યુવી પ્રોટેક્શન સાથે પોલિશ પણ કરાવી શકો છો. તે પેઇન્ટને સૂર્યના કિરણોથી પણ સુરક્ષિત રાખે છે અને લાંબા સમય સુધી શાઈન આપે છે.
કાર પાર્કિંગ
લાંબા સમય સુધી કારની ચમક જાળવી રાખવા માટે પાર્કિંગનું ખાસ ધ્યાન રાખવું જરૂરી છે. તડકામાં કાર પાર્ક કરવાનું ટાળો. અમે તમને અગાઉ જણાવ્યું તેમ સૂર્યપ્રકાશને કારણે કારની ચમક ઓછી થઈ જાય છે. તેથી કારને હંમેશા છાયડામાં પાર્ક કરો. અથવા જો તમારે કારને તડકામાં પાર્ક કરવી હોય તો તેના પર કવર રાખો.