દુબઈમાં કાર ધોવાનું કામ કરતા નેપાળી પણ ભારત સાથે સંબંધ ધરાવતા ભરત નામના યુવાનને 21 કરોડની લોટરી લાગી છે.
દુબઈમાં નેપાળી ભરતને લાગી 21 કરોડની લોટરી
દુબઈમાં કાર ધોવાનું કરે છે કામ
ભરતનો પરિવાર ભારતમાં રહે છે
લોટરી લોકોના ભાગ્ય ખોલી આપે છે. ગરીબોને લોટરી લાગ્યાની ઘણી ઘટનાઓ તાજેતરમાં બની છે. હજુ થોડા દિવસ પહેલા કેરળના રિક્ષા ડ્રાઈવરને 25 કરોડની લોટરી લાગી હતી જે પછી હવે દુબઈમા કાર ધોવાનું કામ કરતા ભરત નામના નેપાળી યુવાનને લોટરીમાં 21 કરોડની રકમ લાગી છે. ભરતે મિત્રોના કહેવાથી લોટરીની ટિકિટ ખરીદી હતી જોકે આટલી મોટી રકમની લોટરી લાગશે તેવું તેણે સપને પણ વિચાર્યું નહોતું અને તેનું ભાગ્ય જોર કરતું હશે કે તેણે એકસામટી આટલી મોટી રકમની લોટરી લાગી ગઈ.
પિતા દિલ્હીમાં રિક્ષા ચલાવે છે, ભાઈને બ્રેન ટ્યુમર
લોટરી જીત્યા બાદ ભરતે કહ્યું કે તેને જીવનમાં ખૂબ તકલીફ છે. તેના ભાઈની દિલ્હીની હોસ્પિટલમાં બ્રેઈન ટ્યુમરની સારવાર ચાલી રહી છે અને પિતા દિલ્હીમાં રિક્ષા ચલાવીને ગુજરાન ચલાવી રહ્યાં છે. તે પોતે પણ દિલ્હીમાં રહેતો હતો પરંતુ ત્રણ વર્ષ પહેલા નોકરી માટે દુબઈ આવ્યો હતો અને ત્યાં રહીને કાર ધોવાનું કામ કરતો હતો અને બદલામાં તેને નજીવા પૈસા મળતા હતા. આથી એક દિવસે તેણે મિત્રોની સાથે મળીને લોટરીની ટિકિટ ખરીદી હતી અને નસીબનું કરવું હશે કે તેને લોટરીમાં તેનો નંબર લાગ્યો અને તેનું નસીબ ખુલી ગયું.
કેરળના રિક્ષા ડ્રાઈવરને લાગી હતી 25 કરોડની લોટરી
ઉલ્લેખનીય છે કે થોડા સમય પહેલા કેરળના અનૂપ નામના રિક્ષા ડ્રાઈવરને પણ ઓણમ બંપર લોટરીમાં 25 કરોડ રૂપિયાની લોટરી લાગી હતી.