ઓટો ન્યૂઝ / ભારતમાં આ 2 દિગ્ગજ કાર ઉત્પાદક કંપનીઓની હાલત ખરાબ, ગાડીઓનું વેચાણ 36 ટકા ઘટ્યું

• હ્યૂન્ડાઈ અને હોન્ડાની કારોનું વેચાણ ઘટ્યું
• 2019માં હોન્ડાએ એક પણ વાહન લોન્ચ નથી કર્યું
• મારૂતિ અને મહિન્દ્રાની ગાડીઓનું ડિસેમ્બરમાં વેચાણ વધ્યું

ભારતીય બજારમાં કાર ઉત્પાદક કંપનીઓ પર મંદીની અસર જોવા મળી રહી છે. હ્યુંડાઈ મોટર ઈન્ડિયાની ડિસેમ્બર 2019માં સ્થાનિક બજારમાં વેચાણ 9.8 ટકા ઘટીને 37,953 યૂનિટ્સનું વેચાણ થયું છે. જે 2018માં 42,093 યૂનિટ્સ રહ્યું હતું. 2019માં વેચાણ 7.2 ટકા ઘટીને 5,10,260 યૂનિટ્સ પર આવી ગયું હતું. ઉલ્લેખનીય છે કે, ભારતીય વાહન ઉદ્યોગ માટે 2019નો વર્ષ પડકારજનક રહ્યો. ખરાબ પરિસ્થિતિઓમાં પણ કંપની ભારતીય બજારમાં કાર્યરત છે અને કંપનીએ અન્ય શ્રેણીઓમાં ચાર નવા પ્રોડક્ટ્સ પણ લોન્ચ કરી દીધા. 

2019માં હોન્ડાએ એક પણ વાહન લોન્ચ નથી કર્યું

જ્યારે હોન્ડા કાર્ડ ઈન્ડિયા લિમિટેડએ કહ્યું, ડિસેમ્બરમાં સ્થાનિક બજારમાં વેચાણ 36 ટકા ઘટીને 8,412 યૂનિટ્સનું વેચાણ થયું છે. જે 2018માં 13,139 યૂનિટ્સ રહ્યું હતું. તમને જણાવી દઈએ કે, હોન્ડાએ ભારતમાં તેના કોઈ જ વાહનને લોન્ચ નથી કર્યાં. પણ અમુક ટૂ વ્હીલર્સને અપડેટ અવશ્ય કર્યા છે. 

આ કારોનું કારોનું વેચાણ ડિસેમ્બરમાં વધ્યું

દેશની સૌથી મોટી કાર બનાવનારી કંપની મારુતિ સુઝુકી ઇન્ડિયા (Maruti Suzuki India) અને મહિન્દ્રા એન્ડ મહિન્દ્રા (Mahindra and Mahindra) એ બુધવારે જણાવ્યું કે સ્થાનિક બજારમાં તેમની કારોનું વેચાણ ડિસેમ્બરમાં વધ્યું છે. મહિન્દ્રાએ બુધવારે શેયર બજારને આપેલી જાણકારીમાં કહ્યું કે, ડિસેમ્બર 2019માં તેના ઘરેલૂ બજારમાં વાહનનું વેચાણ વધીને 37,081 એકમો પર પહોંચી ગયું. મારુતિ સુઝુકીએ બુધવારે શેયર બજારને જણાવ્યું કે, ડિસેમ્બર મહીનામાં તેણે ઘરેલૂ બજારમાં 124,375 વાહનોનું વેચાણ કર્યું છે, જે એક વર્ષ પહેલા આ મહીનામાં 121,479 એકમો હતું.