બિહાર / જાનમાંથી પરત ફરતી સમયે મુઝફ્ફરપુરમાં થયો મોટો અકસ્માતઃ પુલથી સીધી નદીમાં પડી ચાલતી કાર, 3 લાકોના થયા મોત

• મુઝફ્ફરપુરમાં થયો મોટો અકસ્માત
• પુલથી સીધી નદીમાં પડી ચાલતી કાર
• કારમાં સવાર 3 લોકોના મોત નીપજ્યા
• રેસક્યુ ટીમે 3 લોકોનો બચાવ્યો જીવ

બિહારના મુઝફ્ફરપુરમાં એક મોટો અકસ્માત થયો હોવાનુ જાણવા મળી રહ્યું છે. મળતી માહિતી અનુસાર પૂરઝડપે ચાલી રહેલી કાર રેલિંગ તોડીને બાયા નદીમાં પડી. જેમાં 6 લોકો સવાર હતા અને 3 ના મોત નીપજ્યા છે. પોલીસે આ 3 મૃતદેહને પોસ્ટમોર્ટમ માટે મોકલી આપ્યા છે. અન્ય 3 લોકોને રેસ્ક્યુ ટીમે બહાર કાઢી લીધા છે. ઉલ્લેખનીય છે તે કારમાં સવાર તમામ લોકો જાનમાંથી પરત ફરી રહ્યા હતા.  

ક્યાં બની ઘટના
મળતી માહિતી અનુસાર ઘટના જિલ્લાના સરૈયા બજારની છે. દેવરિયા જિલ્લાના કુઢની વિસ્તારમાં એક જાન આવી હતી, લગ્ન પત્યા બાદ જાનથી પરત ફરી રહેલી એક કાર અનિયંત્રિત થઈને પુલની રેલિંગ તોડીને નદીમાં પડી. જેવી કાર નદીમાં પડી કે તેમાં સવાર લોકોના મોત થયા છે.  

કારમાં સવાર દરેક લોકો દેવરિયાના રહેવાસી
જ્યારે કાર પરત ફરી રહી હતી ત્યારે નદીમાં પણ પાણી હતું અને રેસ્ક્યુમાં પણ રાતનો સમય હોવાથી સમય લાગ્યો હતો. આ ઘટનામાં કારમાં સવાર 3 લોકોને સુરક્ષિત કાઢી લેવાયા છે અને 3 લોકોના મોત થયા છે. કારમાં સવાર દરેક લોકો દેવરિયાના રહેવાસી છે. 

રેલિંગ તોડીને નદીમાં પડી કાર
સ્થાનિક લોકોનું કહેવું છે કે કારનો ડ્રાઈવર નશાની હાલતમાં હતો. તેણે કાર પરથી બેલેન્સ ગુમાવ્યું અને કાર રેલિંગ તોડીને નદીમાં પડી. કાર શ્રતિગ્રસ્ત થઈ છે. ડ્રાઈવર નશાની સ્થિતિમાં હોવાથી કોઈ ખાસ માહિતી મળી નથી. પોલીસે મૃતદેહને પોસ્ટમોર્ટમમાં મોકલવાની સાથે તપાસ શરૂ કરી છે.