શું તમારી કાર અચાનકથી ઓછું માઈલેજ આપવા લાગી છે? તો ચિંતા ન કરતાં અહીં જણાવેલી સરળ ટિપ્સ તમારી કારની માઈલેજ ચોક્કસથી વધારી દેશે.
તમારી કાર અચાનકથી ઓછું માઈલેજ આપવા લાગી છે તો કરો આ કામ
આ સરળ ટિપ્સ દરેક કાર માલિક માટે છે કામની
તમારી કારને આ રીતે કરો મેન્ટેન
કહેવાય છે કે કાર ખરીદતા તો ખરીદી લેવાય છે પરંતુ તેને મેઈન્ટેન કરવાનો ખર્ચ લોકોને ભારે પડી જાય છે. જે લોકો કારનો ઉપયોગ નોકરી કે વ્યવસાયમાં કરતા હોય તેમના માટે પેટ્રોલ-ડીઝલના વધતા ભાવ માથાનો દુખાવો બની જાય છે. તેના તેમના ખિસ્સા પર પણ ભાર વધે છે. જેથી આજે અમે તમને એવી બેસ્ટ ટિપ્સ જણાવીશું, જેને અપનાવી લેવાથી તમારી કાર 10 ટકા સુધી વધુ માઈલેજ આપવા લાગશે.
કારનું એર ફિલ્ટર
કારના એન્જિનના એર ફિલ્ટરને ચેક કરાવતા રહેવું. જો ફિલ્ટર ગંદુ હશે તો તમારા ખિસ્સા પર ભાર વધી શકે છે. તેનાથી એન્જિનની કાર્યક્ષમતા પ્રભાવિત થાય છે અને ફ્યૂલ વધુ ખર્ચ થાય છે. આસપાસની ગંદકી, હવા, પ્રદૂષણ, ધૂળના રજકણ તેમાં ચોંટી જાય છે. જેથી તેને સમયાંતરે સાફ કરાવતા રહેવું.
એક્સેલરેટર
તમે જેટલીવાર કારને એક્સેલરેટર આપો છો અથવા બ્રેક લગાવો છો, એટલું વધારે તમારી કારનું ફ્યૂલ ખર્ચ થાય છે. જેટલું વધારે તમે એક્સેલરેટર આપો છો, એટલું જ મોટર પર દબાણ વધે છે અને ફ્યૂલ પણ વધુ ખર્ચ થાય છે. આ જ કારણથી વારંવાર અથવા જરૂર વિના બ્રેક અને એક્સેલરેટરનો ઉપયોગ કરવો નહીં.
ટાયરમાં હવા
કારના ટાયરમાં પૂરતી હવા છે કે, નહીં તે વાતનું હમેશાં ધ્યાન રાખવું. જો તમારા ટાયરમાં પ્રોપર હવા હશે તો તમે 3 ટકા સુધી ફ્યૂલની બચત કરી શકશો. જેથી કારના ટાયરની કાળજી રાખવી જરૂરી છે.
તમે કેટલી સ્પીડમાં ગાડી ચલાવો છો
ફ્યૂલ વધુ ખર્ચાય નહીં તે માટે કારની સ્પીડનું ધ્યાન રાખવું ખૂબ જ જરૂરી છે. તમે જેટલી સ્પીડમાં કાર ચલાવશો, એન્જિન પર એટલો જ લોડ વધશે અને ફ્યૂલ વધુ ખર્ચ થશે. જેથી યોગ્ય સ્પીડમાં ગાડી ચલાવવાથી 33 ટકા ફ્યૂલની બચત થાય છે.
કાર સર્વિસ
વાહનની નિયમિત સર્વિસમાં ઢીલ છોડવી એ ખરાબ માઈલેજનું એક મોટામાં મોટું કારણ છે. આ વાત ઘ્યાનમાં રાખતા અમુક કિલિમીટર્સ ચાલે પછી ગાડી સર્વિસ કરાવી જ લેવી જોઈએ. આમ કરવાથી ઇંધણની ઘણી બચત થશે.
અચાનક બ્રેક ન મારો
એક્સિડન્ટની સ્થિતિને બાદ કરતા અચાનક બ્રેક મારવાનું ટાળો. કેટલીય વાર આપણે ઉત્સાહમાં આવી જઈને અચાનક બ્રેક મારી દઈએ છીએ. ધીરેધીરે આપણને આ આદત જ પડી જાય છે. બિનજરૂરી બ્રેક મારવાને કારણે એન્જિન પર પ્રેશર પડે છે અને ગાડીને બીજી વાર સ્પીડમાં લાવવા માટે વધારે ફ્યુઅલ વપરાય છે.
અન્ય મહત્વની વાત એ છે કે બ્રેક પર તમારો પગ મૂકીને વાહન ન ચલાવો. જેનાથી તમારી કારના એન્જિન, ટ્રાન્સમિશન અને બ્રેક પર વધારાનું દબાણ આવે છે. જ્યારે ઓટોમેટિક કાર ડ્રાઇવ કરતા હો ત્યારે એક્સિલેટર ધીમે ધીમે આપો.