આપણે ત્યાં ઉંચ્ચ કક્ષાની માનસિક ક્ષમતા ધરાવતા હોનહાર યુવાનોની કમી નથી. બસ માત્ર તેમને સારી તકની જરૂર હોય છે. તક મળે તો તેઓ પોતાની ક્ષમતાનો પરિચય દુનિયાને આપી દેતા હોય છે. આવી તક જ્યારે એક સુરતના યુવાનને મળી તો તેણે પોતાની કરામતથી દુનિયાને અચંબિત કરી દીધી. સુરતના એક યુવાને વોઇસ કમાંડથી ઓપરેટ થતી મોટરકાર બનાવી છે વોઇસ કમાંડથી કારમાં મ્યુઝિક સિસ્ટમ લાઈટ એસી ઓપરેટ થાય છે એટલું જ નહીં કારને બહારથી મોબાઈલ એપ્લિકેશનથી પણ ઓપરેટ કરી શકાય છે.
તેમના ભણતરની અટકી ગઈ હતી ગાડી
તેઓ ક્ષમતાને સમજે છે કુદરતની દેન
એક સવાલ થયો અને થઈ ગઈ શોધ
આ છે માત્ર 10 ધોરણ સુધી ભણેલા અને હાલમાં મોબાઈલ રીપેરીંગનું કામ કરતા ભાવિન મકાણી કહે છે ને કે સપના જોયા હોય અને પુરુષાર્થનો સંગાથ હોય તો સિધ્ધિ અને પ્રસિદ્ધિ મળતા વાર નથી લાગતી. આ યુવાને એવી શોધ કરી છે જેને જોઈને તમે પણ અચંબિત થઈ જશો. તેમણે વોઈસ કમાન્ડથી કાર ઓપરેટ કરતી એપ ડેવલપ કરી છે.
ક્યારેક કોઈ ટેવ પણ કોઈ મોટી સિદ્ધિ તરફ દોરી જતી હોય છે. ભાવિન નામના આ યુવાનને પોતાની કારમાં ચાવી ભૂલી જવાની ટેવ હતી. કાર લોક થઈ જાય પછી ચાવી માટે અનેક વખત કાચ તોડવા પડતા હતા. આ સમસ્યાથી છૂટવા આ યુવાને સતત સાતેક મહિના મહેનત કરી અંતે તેણે એક એવી એપ્લિકેશન ડેવલપ કરી છે. જેમાં વોઇસ કમાંડથી કાર ચાલુ કરી શકાય છે કારનો દરવાજા ખોલી શકાય છે મોબાઈલ એપથી કારના કારની વિન્ડો ખોલી શકાય છે અને બંધ પણ કરી શકાય છે. એટલું જ નહીં કારની લાઈટ અને એસી પણ ચાલુબંધ કરી શકાય છે.
આ સફળતા માટે ભાવિને સતત સાત મહીના સુધી દિવસ રાત વાયરિંગ અને બીજી ટેક્નિકલ કામગીરી કરી હતી. જોકે તકલીફ એ હતી કે ડિજિટલ ભાષામાં જે કમાન્ડ આપવા માટે કોડિંગ કરવાની જરૂર હતી તેમાં સફળતા મળતી ન હતી. છેવટે ભાવિન નો પિતરાઈ ભાઈ કે જે ઇલેક્ટ્રિકલ એન્જીનીયરીંગમાં અભ્યાસ કરે છે તેની મદદ લઈને ડિજિટલ કોડિંગ ડેવલપ કરવામાં આવ્યા અને સાત મહિનાની મદદ પછી હવે કાર વોઇસ કમાન્ડથી ડેવલપ થતી થઈ છે.
સમય બદલાઈ ગયો છે હવે જ્ઞાન પ્રાપ્તિના સોર્સ બદલાયા છે. જો દિલમાં કંઈક કરવાની લગન હોય તો તો કોઈ પણ ચીજ માર્ગદર્શક અને ગુરુ બની શકે છે. આ વાત આ વિદ્યાર્થીઓ સારી રીતે જાણી ગયા છે. એટલે જ તો તેમણે ઈન્ટરનેટને પોતાની પાઠશાળા બનાવી અને મોબાઈલને સિદ્ધિનું સાધન બનાવી દીધો. તેમની આ શોધથી અનેક કાર કંપનીઓને પણ આ દિશામાં વિચારવાની ફરજ પડશે તે નક્કી છે.