લખીમપુરમાં હિંસાની જ્વાળાઓ હજુ શમી નથી કારણ કે ખેડૂતોએ દાવો કર્યો છે કે હરિયાણાના નારાયણગઢમાં આવી જ એક ઘટનાને અંજામ આપવાનો પ્રયાસ કરવામાં આવ્યો છે.
યુપીના લખીમપુર જેવી ઘટના હરિયાણાના અંબાલામાં બની
અંબાલામાં ખેડૂતો પર ભાજપને નેતાએ ગાડી ચડાવ્યાનો આરોપ
ભાજપના સાંસદ નાયબ સૈનીએ ખેડૂત પર ગાડી ચડાવ્યાનો આરોપ
અંબાલા નજીક આવેલ નારાયણગઢમાં વિરોધ કરી રહેલા ખેડૂતોએ આરોપ લગાવ્યો હતો કે ભાજપના સાંસદ નાયબ સૈનીની કારને કેટલાક પ્રદર્શનકારીઓ પર ચલાવવાનો પ્રયાસ કરવામાં આવ્યો હતો, જેમાં એક વ્યક્તિ ઘાયલ થયો હતો. તેમને હોસ્પિટલમાં દાખલ કરવામાં આવ્યા છે.
I have just received this video from Narayangarh in Ambala district. There is another shameful case like #LakhimpurKheri.
BJP MP Nayab Saini's convoy has RAMMED the car over farmers who were protesting. One of our farmer's is v critical & taken to the hospital.#Lakhimpur_Kheripic.twitter.com/UpVwBn7Ceb
— Tehseen Poonawalla Official 🇮🇳 (@tehseenp) October 7, 2021
ખેડૂતો કરી રહ્યા હતા વિરોધ
નારાયણગઢમાં ભાજપના ધારાસભ્ય સંદીપ સિંહ અને કુરુક્ષેત્રના ભાજપના સાંસદ નાયબ સૈનીનો કાર્યક્રમ હતો. જ્યારે ખેડૂતોને આ વિશે માહિતી મળી, ત્યારે તેઓ મોટી સંખ્યામાં ભેગા થઈને ભાજપના નેતાઓનો વિરોધ કર્યો. મોટી સંખ્યામાં પોલીસ પણ તૈનાત કરવામાં આવી હતી.
સોશિયલ મીડિયામાં વીડિયોથી મચ્યો ખળભળાટ
કથિત અકસ્માત બાદનો એક વીડિયો સોશિયલ મીડિયા પર વાયરલ થઈ રહ્યો છે, જેમાં ખેડૂતોને કહેવામાં આવી રહ્યું છે કે ભાજપના નેતાની ગાડીએ તેના એક સાથીને કચડી નાખ્યો છે. ખેડૂતોને મોટી સંખ્યામાં પહોંચવા અને વિરોધમાં જોડાવા અપીલ કરવામાં આવી રહી છે. આમાં એવું પણ કહેવામાં આવી રહ્યું છે કે અહીં યુપીની ઘટનાને અંજામ આપવામાં આવ્યો છે. વીટીવી આ વિડીયોની પુષ્ટિ કરતું નથી.