સાયક્લોનિક સિસ્ટમ મહારાષ્ટ્ર અને ગુજરાત પર સક્રિય થતાં દક્ષિણ ગુજરાત અન સૌરાષ્ટ્રમાં ધોધમાર વરસાદ વરસી રહ્યો છે. રાજકોટમાં પણ ભારે વરસાદ વરસ્યો હતો. ભારે વરસાદના પગલે નદી-નાળા છલકાયા છે. ત્યારે ખોખડધજ નદીના પુલ પર એક દુર્ઘટના બની છે.
રાજકોટમાં લાપસરા ગામમાં નદીમાં તણાઈ કાર
કારસાથે બે થી ત્રણ વ્યકિત તણાયા
રાજકોટની ખોખડધજ નદીની ઘટના
રાજકોટમાં ભારે વરસાદ વરસ્યો છે. ભારે વરસાદ વચ્ચે નદીમાં નવા નીરની આવક થઇ છે. લાપસરા ગામમાં ખોખડધજ નદીમાં પાણીની આવક થઇ છે. નદીના પાણી પુલ પરથી વહેતા થયા છે. તેવામાં પાણીના ભારે પ્રવાહના કારણે નદીમાં કાર તણાઇ છે. બોલેરો સાથે બેથી ત્રણ વ્યક્તિઓ નદીમાં તણાયા છે.
તો બીજી તરફ સ્થાનિકોએ કહ્યું કે વારંવાર રજૂઆત કરવા છતાં કોઇ કામગારી કરવામાં આવી નથી. છેલ્લા 6 વર્ષથી આજ સ્થિતિ છે. પાણી વહેતું થયા છતાં પુલ કેમ બંધ કરવામાં આવ્યો નથી. શા માટે રસ્તાની આજુબાજુમાં પાળ બાંધવામાં નથી આવતી? ગ્રામજનો પુલના નિર્માણની માગ કરી રહ્યાં છે.