જો તમે પણ કાર ચલાવવાનું શીખવા માંગો છો અથવા તો તમે હમણાં જ કાર ચલાવવાની શરૂઆત કરી છે તો તમારે અમુક વસ્તુઓ ધ્યાન આપવું જોઈએ. અહીં અમે તમને જણાવીશું જે ટિપ્સ તમને કાર ચલાવવા માટે તમારી મદદ કરશે.
કાર શીખતા પહેલા તમને ગાડીની પુરી જાણકારી હોવી અનિવાર્ય છે.સૌ પ્રથમ તમામ ગીયર વિશેની જાણકારી મેળવી લેવી જોઇએ.અને ત્યારબાદ ક્લચ અને બ્રેક વિશે પણ જાણકારી હોવી જોઇએ.કાર શીખતી વખતે સ્પીડ એકદમ મર્યાદિત અને તે પ્રમાણે ગીયરની ફેર-બદલ કરતા રહેવું જોઇએ.
હંમેશા યાદ રાખો કે કારની સીટ પર બેસવાની પોઝિશન તમારી યોગ્ય નહીં હોય તો તમે યોગ્ય રીતે બેસી નહીં શકો.તમારી સિટીંગ પોઝિશન હંમેશા એવી રાખો કે તમારી પીઠ ઘુટણ અને ખભા પર વધારે ભારના પડે.આ સાથે એ વાતનું પણ ખાસ ધ્યાન રાખો કે તમારા પગ યોગ્ય રીતે ગીયર અને ક્લચ સુધી સરળતાથી પહોંચી શકે જેથી ક્યારેય કોઇપણ પ્રકારની તકલીફ ના પડે.
વાહન ચલાવતા સમયે રસ્તા પર ખાસ ધ્યાન આપવું આવશ્યક છે.એટલા માટે રિયર વ્યૂ મિરરને યોગ્ય રીતે એડજસ્ટ કર્યા બાદ જ કાર હંકારવી જોઇએ.આ સાથે ટ્રાફિક વાળા સ્થળો પર કારને યોગ્ય રીતે ચલાવવી અને ટ્રાફિકના નિયમોનું પાલન કરવું જોઇએ.એક વાતનું ખાસ ધ્યાન રાખો કે સ્ટીઅરિંગ યોગ્ય રીતે પકડવું જેનાથી દરેક ટાયર પર તમારો કાબુ રહી શકે.
જ્યારે પણ તમે ગાડી ચલાવી રહ્યા હોવ ત્યારે એ વાતનું ધ્યાન રાખવું કે આગળ-પાછળની ગાડીઓથી તમે યોગ્ય ડિસ્ટન્સ રાખ્યું હોય બની શકે કે આગળ ચાલતી ગાડી ક્યારેક અચાનક ઉભી રઇ જાય કે ટર્ન લઇ શકે છે. એવામાં તમારે અચાનક જ ગાડી રોકવી પડી શકે છે. સેફ્ટી માટે તમારે યોગ્ય ડિસ્ટન્સ જાળવવું જરૂરી છે.