ઈન્ડિયન કાર માર્કેટમાં નિર્માતા કંપનીઓ હંમેશાં પરિવારની જરૂરિયાતને ધ્યાનમાં રાખીને ગાડીઓ ઉતારે છે. મિડલ ક્લાસ ફેમિલી કાયમ એવી ગાડીને વધારે પ્રયોરિટી આપે છે જે સ્પેસમાં મોટી હોય અને સાથે-સાથે બજેટમાં પણ ફિટ બેસે. જો તમારી ફેમિલીમાં 6-7 મેમ્બર્સ હોય અને તમારું બજેટ ઓછું હોય તો આજે અમે તમને એક એવી જ ખાસ કાર વિશે જણાવવા જઈ રહ્યાં છીએ જે તમારી વિશ પૂરી કરી શકે છે.
ફેમિલીને ધ્યાનમાં રાખીને મારુતિ સુઝુકીએ ઈકો કાર બનાવી છે. જોકે આ કાર અન્ય કાર્સ જેટલી સ્ટાઈલિશ નથી પણ આ ખૂબ જ ઉપયોગી કાર છે. જે ફેમિલીમાં 7 લોકો છે તેમના માટે ઈકો ખૂબ યુઝફૂલ છે. કારણ કે આ જેટલી કિંમતમાં આવે છે તેટલી કિંમતમાં આવી ગાડી મળવી મુશ્કેલ છે.
7 સીટર છે ઇકો:
મારુતિ સુઝિકીની ઇકો ખૂબ સ્પેસવાળી ગાડી છે. આમા આરામથી 7 લોકો બેસી શકે છે. લાંબી મુસાફરી માટે પણ આ ગાડી ખૂબ સારી છે. એટલું જ નહીં આ કારને તમે સામાન લોડ કરવા માટે પણ યુઝ કરી શકો છો.
ખૂબ જ ઓછી કિંમત:
કિંમતની વાત કરીએ તો મારુતિ ઈકોની એક્સ-શો રૂમ કિંમત 3.49 લાખ રૂપિયા છે. કારની સૌથી મોટી ખાસિયત તેની સ્પેસ છે. સ્પેસ અને કિંમત બંનેને લીધે આ કાર મધ્યમ વર્ગમાં ખૂબ જ ફેમસ છે.
એન્જિન:
ઈકોમાં 1.2 લીટરનું પેટ્રોલ એન્જિન લાગેલું છે જે 73bhpનો પાવર અને 101Nmનો ટૉર્ક જનરેટ કરે છે. સાથે જ એન્જિન 5 સ્પીડ મેન્યુઅલ ટ્રાન્સમિશનથી સજ્જ છે. આ ઉપરાંત આ કારમાં CNGની સુવિધા પણ છે. પેટ્રોલ મોડ પર આ કાર 15kmpl જ્યારે CNG મોડ પર 20kmplની માઈલેજ આપે છે. પીકઅપની વાત કરીએ તો કારને 0થી 100ની માઈલેજ પકડવામાં 15.7 સેકન્ડનો સમય લાગે છે.
આ પણ સારો ઑપ્શન:
જે લોકો મારુતિની ઈકોને બદલે બીજો કોઈ વિકલ્પ શોધી રહ્યાં હોય તેમના માટે ડેટસનની ગો પ્લસ પણ એક સારો ઑપ્શન છે. આમાં 1.2 લીટરનું પેટ્રોલ એન્જિન આવશે જે 88PSનો પાવર અને 104Nmનો ટૉર્ક આપે છે. આ એન્જિન 5-સ્પીડ મેન્યુઅલ ગિયરબોક્સ સાથે જોડાયેલું છે. આ કાર 19.44kmplની માઈલેજ આપે છે. આ કારની એક્સ શો-રૂમ કિંમત 3.95 લાખ રૂપિયા છે.