હુમલો / અફઘાનિસ્તાનમાં ઘાતકી સ્યુસાઈડ બોમ્બ હુમલો; 12ના મોત, 100થી વધુ ઘાયલ, આ છે સૌથી મોટું રહસ્ય

ઘોર વિસ્તારની હોસ્પિટલના હેડ મહોમ્મદ ઓમર લાલઝાદના કહેવા પ્રમાણે અત્યારે હોસ્પિટલનો સ્ટાફ ઘાયલોનો ઈલાજ કરી રહ્યો છે. તેમણે ચિંતા વ્યક્ત કરી છે કે મૃત્યુ આંક વધી શકે છે. 

અન્ય એક ઓફિશ્યલ તારિક અરાનના કહેવા પ્રમાણે આ કાર બોમ્બિંગ જે તે વિસ્તારના પોલીસ ચીફની ઓફિસની બહાર થયો હતો અને આ વિસ્તારમાં અન્ય સરકારી મકાનો આવેલા છે. 

હજુ સુધી આ હુમલાની જવાબદારી કોઈએ લીધી નથી. અફઘાનિસ્તાનમાં તાલિબાન જૂથ દાયકાઓથી સરકાર સામે સશસ્ત્ર હુમલાઓ કરી રહ્યું છે. અફઘાનિસ્તાન સરકાર અત્યારે તાલિબાન સાથે શાંતિ માટે મંત્રણાઓ કરી રહ્યું છે. આ માટે તેઓ કતારમાં બેઠક યોજી રહ્યા છે. કતારમાં વર્ષોથી તાલિબાનનું હેડક્વાર્ટર આવેલું છે. 

અમેરિકાએ તાલિબાન વિરૂદ્ધમાં થોડા સમયથી અફઘાન દળોને મદદ કરવા એર સ્ટ્રાઇક્સ કરી રહ્યું છે અને થોડા સમયથી અમેરિકાએ એર સ્ટ્રાઇક અને નાઈટ રેઈડ અટકાવીને શાંતિ માટે મંત્રણાઓ શરુ કરી હતી.