જો તમે આગામી દિવસોમાં કાર અને બાઇકની સર્વિસ કરાવવાનું વિચારી રહ્યા છો તો આ સમાચાર તમારી મુશ્કેલીમાં વધારો કરી શકે છે. પેટ્રોલ અને ડિઝલ પછી હવે મૉબિલ ઑઇલના ભાવમાં પણ વધારો ઝીંકાવાનો છે જેનાથી કાર અને બાઇકની સર્વિસ મોંઘીં થઇ જશે. મૉબિલ ઑઇલની કિંમત વધવાનું કારણ ક્રૂડ ઑઇલના ના વધતા ભાવ માનવામાં આવી રહ્યા છે.
આંતરારાષ્ટ્રીય બજારમાં ક્રૂડ ઑઇલના ભાવ આસમાને છે બ્રેંટ ક્રૂડ 80 ડૉલર પ્રતિ બેરલને પાર પહોંચી ગયું છે. નવેમ્બર 2014 બાદ પહેલી વાર એવું બન્યું છે જ્યારે ક્રૂડ ઑઇલ 80 ડૉલર પ્રતિ બેરલને પાર છે. તેનાથી ઑઇલ કંપનીઓનો ખર્ચ વધશે અને તે ખર્ચને ગ્રાહકો પાસેથી વસૂલલા માટે ઑઇલના ભાવ વધારી શકે છે. નિષ્ણાતો અનુસાર ઓપેક અને રશિયાએ ઉત્પાદન ઘટાડી દીધું છે જ્યારે બીજી તરફ ઇરાનની તરફથી પણ સપ્લાય ઘટાડવાની વાત થઇ રહી છે. વર્ષ 2018માં અત્યાર સુધી ક્રૂડ ઑઇલની કિંમતમાં 20%ની વધારો થઇ ગયો છે. જૂન 2017માં ક્રૂડ ઑઇલની કિંમત 44.82 ડૉલર પ્રતિ બેરલ હતી જ્યારે ગુરુવારે ક્રૂડ ઑઇલની કિંમત 80.18 ડૉલર પ્રતિ બેરલ સુધી પહોંચી ગઇ હતી.પેટ્રોલના ભાવ 85 રૂપિયાનો આંકડો પાર કરી ચુક્યા છે.
શું છે મૉબિલ ઑઇલ:
તમને જણાવી દઇએ કે ક્રૂડ ઑઇલની શોધમાં બ્યૂટેન અને પ્રોપેન નામના પાકૃતિક ગેસ ગ્રીસ મોમ પ્લાસ્ટિક મોબિલ ઑઇલ પેટ્રોલ અને ડિઝલ પ્રાપ્ત થાય છે. મોબિલ ઑઇલ ખૂબ જ ચીકાશ ધરાવતું પ્રવાહી પદાર્થ છે જે મોટરના પાર્ટ્સની વચ્ચેના ઘસારોને ઓછો કરે છે અને પાર્ટ્સને લાંબા સમય સુધી સુરક્ષિત રાખે છે.