વડોદરાઃ શહેરના નેશનલ હાઇવે પર પદમલા ગામ નજીક ગમખ્વાર અકસ્માત સર્જાયો છે. આ અકસ્માત કારનું ટાયર ફાટતા સર્જાયો છે. જેમાં વિદ્યાનગરથી માણેજા જતા સમયે આ દુર્ઘટના બની હતી.
આ અકસ્માતમાં 3 મહિલા અને એક કિશોરીનું મોત નિપજ્યું છે. જ્યારે 2 લોકોને ઇજા પહોંચી છે. અકસ્માતમાં ઇજાગ્રસ્તોને સારવાર અર્થે સયાજી હોસ્પિટલ ખસેડવામાં આવ્યા છે.
આ અકસ્માતને લઇ આસપાસના લોકો બચાવ કામગીરી માટે દોડી આવ્યા હતા. એમ્બ્યુલન્સ બોલાવી ઇજાગ્રસ્તોને હોસ્પિટલ ખસેડાયા હતા.