કોસંબા નજીક નેશનલ હાઈ વે પર ગમખ્વાર એક્સિડન્ટ સર્જાયો હતો. ફૂલ સ્પીડમાં દોડતી ઈકો કાર(નંબર જીજે 05 જે કે 6207) કોઈ અજાણ્યા વાહન પાછળ અથડાઈ હોય શકે છે. આ એક્સિડન્ટમાં ઘટના સ્થળે જ બે વ્યક્તિના મોત નીપજ્યાં હતાં. જ્યારે 3 વ્યક્તિને ગંભીર હાલતમાં હોસ્પિટલમાં ખસેડવામાં આવ્યાં હતાં.
સુરતના કોસંબા નજીક નેશનલ હાઇવે પર એક ગમખ્વાર અકસ્માત સર્જાયો હતો. ઇકો કાર અને અજાણ્યા વાહન વચ્ચે વહેલી સવારે અકસ્માત થતા એક જ પરિવારના બે વ્યક્તિના ઘટના સ્થળે જ મોત થયા છે. જ્યારે 3 લોકો ઇજાગ્રસ્ત થયા છે.
મળતી માહિતી મુજબ, પરિવાર ભાવનગરથી સુરત જઇ રહ્યો હતો તે દરમિયાન અકસ્માત સર્જાયો હતો. મોડી સાંજે નીકળેલા કાર ચાલકો કોસંબા પાસે કોઈ ઉભેલા અજાણ્યા વાહનની પાછળ ધડકાભેર અથડાયા હતાં. જેથી કારના બોનેટ સહિતના પતરાનો કડૂસલો વળી ગયો હતો. સ્થાનિકોએ આવીને મૃતકો પર કપડા ઓઢાળ્યાં હતાં. જ્યારે ઈજાગ્રસ્તોને હોસ્પિટલ લઈ જવાયાં હતાં.