અમરેલી જિલ્લાના લીલીયા તાલુકાના એક ગામ પાસે બે કાર વચ્ચે અકસ્માત થયો હતો અને ત્યારબાદ બંને કારમાં આગ લાગી હતી જેને લીધે બેના ઘટનાસ્થળે જ મોત થયા હતા. હજુ બચાવકામગીરી ચાલુ છે. 4 યુવાનને બચાવી લેવાયા છે પરંતુ તે હજુ ગંભીર રીતે ઘાયલ છે. કારમાં હજુ વધુ મૃતદેહની હોવાની આશંકા સેવાઈ રહી છે.
બે કાર અથડાઈ અને લાગી આગ
2 યુવાનના મોત થયા અને 4ને બચાવાયા
ફાયર સહિત બચાવ કાફલો ઘટનાસ્થળે પહોંચ્યો
અમરેલી જિલ્લાના લીલીયા તાલુકાના સલડી અને લાલાવદર વચ્ચે માનસી ફૂડ ફેક્ટરી પાસે રાત્રે બે કાર સામસામી ટકરાયા બાદ બંનેમાં આગ ફાટી નિકળી હતી. જેને લીધે બે માણસના મોત થયા હતાં.
પોલીસ અને ફાયરની ટીમ ઘટનાસ્થળે
ફાયર બ્રિગેડ અને મામલતદાર પણ અમરેલીથી દોડી ગયા હતા. બંને કારમાં હજુ વધુ મૃતદેહો મળવાની આશંકા સેવાઇ રહી છે.
કોણ છે મરનાર
મૃતકો પૈકી એક વરસડાનો મેહુલ નામનો યુવાન હોવાનું જાણવા મળ્યુ છે જ્યારે અન્યોની હજુ તપાસ ચાલુ છે.
લગ્નપ્રસંગેથી પરત આવતા ઘટની દૂર્ઘટના
બચી ગયેલા યુવાનો એક લગ્ન પ્રસંગે મિત્રની કાર લઇને ગયા હતા. અને ત્યાંથી પરત ફરતા હતા ત્યારે આ ઘટના બની હતી.
ચાર યુવાનોનો બચાવ
એક કારમાંથી 4 ઘાયલ યુવાનો સમયસર બહાર નિકળી આવતાં તેઓ ઘાયલ અને દાઝેલા હોવા છત્તાં બચી ગયા હતા. ચારેયને સારવાર માટે અમરેલી સિવીલમાં ખસેડાયા છે.