વડોદરા નજીક વાઘોડિયા ખાતે આવેલી બહુચર્ચિત પારુલ યુનિવર્સિટી એકાઉન્ટ ડિપાર્ટમેન્ટમાં કામ કરતા હરિશ રાણાની ભેદી રીતે મૃત્યુ થતા ચકચારી મચી ગઇ હતી જોકે બાદમાં પારૃલ યુનિવર્સિટીના કૌભાંડોને ખુલ્લા પાડતા મૃતકના 8 પાનાંનો લેટર ૩ પેનડ્રાઇવ આઇકાર્ડ અને ચાવી પોલીસે રાતે મૃતકના ઘેરથી કબજે કર્યા છે.
પારુલ યુનિવર્સિટીમાં 6 વર્ષથી ફરજ બજાવતા હરિશ ઇશ્વરભાઇ રાણાનો મૃતદેહ તા.20મીએ રાત્રે કમાટીબાગ પાસેથી કારમાંથી મળી આવવાના બનાવની તપાસમાં હજી સુધી કોઇ નક્કર વિગતો બહાર આવી નથી.
હરિશ રાણા ખૂબ જ ટેન્શનમાં રહેતા હતા અને તેમની પાસે ખોટા કામો કરાવવામાં આવી રહ્યા હોવાની વિગતો તેમના મોબાઇલમાંથી મળેલા ૮ પાનાના લેટર માંથી મળી આવી છે.તેમણે પેનડ્રાઇવમાં તમામ કૌભાંડોની વિગતો લીધી હોવાનો સ્પષ્ટ ઉલ્લેખ કર્યો છે.