મહીસાગર જિલ્લાના રાઠડા બેટ ખાતે આધુનિક જમાનામાં પણ લોકો બાઇકની જગ્યાએ બોટ વસાવા મજબૂર બન્યા છે. જે વર્ષોથી વિકાસ ઝંખી રહ્યા છે.
મહીસાગરનો રાઠડા બેટ માગે વિકાસ
જ્યાં બોટ છે એક માત્ર સહારો
ગામમાં જવા આવવા બોટનો ઉપયોગ
આધુનિક જમાનામાં પણ દેશના અનેક ગામડાઓની આજે પણ એવી સ્થિતિ છે. જયા વિકાસ તો ઠીક પણ તેનો પડછાયો પણ પડયો નથી. જેનું જીવતુંજાગતું ઉદાહરણ છે ગુજરાત અને રાજસ્થાન બોર્ડરે આવેલા રાઠડા બેટ જ્યાં ન તો રોડ છે ન બ્રિજ. ગ્રામજનો માત્ર બોટના સહારે જિંદગી જીવી રહ્યા છે.
આધુનિક જમાનામાં બાઇકને બદલે બોટ વસાવા લોકો મજબૂર
ગુજરાત અને રાજસ્થાન બોર્ડર નજીક આવેલું મહીસાગર જિલ્લાના કડાણા તાલુકાનું રાઠડા બેટ ગામ જ્યાં આજના આધુનિક જમાનામાં પણ લોકો બાઇકની જગ્યાએ બોટ વસાવા મજબૂર બન્યા છે. છેલ્લા ઘણા વર્ષોથી આ બેટ પર ૬૦૦ થી ૭૦૦ પરિવાર વસવાટ કરી રહ્યા છે આ વિસ્તાર બેટ હોવાના કારણે સ્થાનિક રહીસોને પારાવાર મુશ્કેલી પડી રહી છે. અવરજવર માટે માત્ર હોળીનો સહારો હોવાના કારણે જીવના જોખમે મુસાફરી લોકો કરી રહ્યા છે. લગ્ન પ્રસંગે, બીમારી સમયે, પ્રસૂતિ સમયે, કાંતો સામાજિક કામ માટે પણ હોળીના સહારે જવું પડી રહ્યું છે ત્યારે છેલ્લા કેટલાય વર્ષોથી સ્થાનિક ગ્રામજનો પુલની માગણી કરી રહ્યા છે. અગાઉના સરપંચથી લઈને ધારાસભ્ય સુધી અનેક વખત રજૂઆત કરી ચૂક્યા છે પણ આજ દિન સુધી નિકાલ નથી આવ્યો ત્યારે સ્થાનિક યુવા વર્ગ તેના કારણે બેટ પરથી હિજરત કરી શહેરોમાં કામવવા માટે જઈ રહ્યા છે.
21 કરોડના ખર્ચે પુલ મંજૂર
છેલ્લા ઘણા સમયથી સ્થાનિકો માટે ત્યાં ચૂંટણી આયોગ દ્વારા બુથની વ્યવસ્થા કરી છે અંદાજે ૮૦૦ થી વધારેનું વોટીંગ બુથ મુકવામાં આવ્યો છે. જે સામગ્રી હોળી દ્વારા લાવા લઇ જવામાં આવે છે. ચૂંટણી આયોગ દ્વારા એક સ્પેશ્યલ બુથ મુકવામાં આવે છે ત્યારે આજના આધુનિક યુગમાં પણ લોકોને પારાવાર મુશ્કેલી પડી રહી છે. પુલ બની જાય તો કાયમી સમસ્યાનો નિકાલ આવે તેમ છે. 123 વિધાન સાભાના ધારાસભ્ય ડૉ કુબેરભાઈ ડિંડોરને રજુઆત કરતા આ વખતે 21 કરોડની રકમ પુલ મંજૂર થાત આ સમસ્યાનો કાયમી નિકાલ આવશે જેથી ઘણા સમયથી પડતર પ્રશ્નોનો રાજ્ય સરકાર દ્વારા નિકાલ આવતા સ્થાનિકો અને બેટ વિસ્તાર પર્યટન સ્થળ તરીકે વિકાસ પણ થઈ શકશે.