તૈયારી જીત કી! / હવે માહી બતાવશે પાવર: કોહલીએ પણ કરી લીધી તૈયારી, વિરાટ સેનામાં થશે મોટો બદલાવ

• પાકિસ્તાન સામે હાર બાદ ટીમમાં ફેરફાર
• વિરાટ સેનામાં થશે ફેરબદલ?
• ન્યૂઝીલેન્ડ સામે હારશે તો બહાર થઇ જશે ભારત?

પાકિસ્તાનથી હાર્યું ભારત
ભારતે 151 રનનો લક્ષ્ય પાકિસ્તાન સામે રાખ્યો હતો અને પાકિસ્તાને એક પણ વિકેટ ગુમાવ્યા વગર આ લક્ષ્યને હાંસલ કર્યો હતો. જેથી ભારતના દર્શકો નિરાશ થયા હતા. હવે 31 ઓક્ટોબરના રોજ ટીમ ઇન્ડિયા ન્યૂઝીલેન્ડ સામે મેદાન પર ઉતરશે અને જો કીવી ટીમ વિરુદ્ધ ભારત હારશે તો કદાચ તે વર્લ્ડકપમાંથી બહાર થઇ જશે. 

BCCIએ શૅર કરી તસવીર
ટ્વિટર પર BCCIએ પ્રેક્ટિસ કરતાં ખેલાડીઓની તસવીર શૅર કરી છે. જેમાં 4-4ના ગ્રુપમાં પ્રેક્ટિસ કરતાં ખેલાડીઓ દેખાઇ રહ્યાં છે. તેમાં કોહલી, અશ્વિન, શાર્દુલ ઠાકુર અને વરુણ ચક્રવર્તી પ્રેક્ટિસ કરી રહ્યાં છે. શાર્દુલ જે રીતે પ્રેક્ટિસ કરી રહ્યો છે એવું લાગી રહ્યું છે કે વિરાટ તેને ન્યૂઝીલેન્ડ વિરુદ્ધ ટીમમાં ઉતારશે. એક તસવીરમાં ઇશાન કિશન પણ ફિલ્ડીંગ પ્રેક્ટિસ કરતો નજરે પડે છે. 

ભૂવીનું પત્તુ કપાશે?
પાકિસ્તાન વિરુદ્ધ મૅચમાં ભુવનેશ્વર કુમાર લયમાં નહોતો દેખાઇ રહ્યો અને માનવામાં આવી રહ્યું છે કે તેની જગ્યાએ શાર્દુલને તક મળી કે છે. ટીમના ઓલરાઉન્ડર હાર્દિક પંડ્યા ફીટ છે અને લાંબા સમય બાદ બોલિંગ કરતાં નજર આવશે. આઉટ ઓફ ફોર્મ ચાલી રહેલા હાર્દિક પર પણ તલવાર લટકેલી છે. 

We are back!

A fun drill to start our session. #TeamIndia #T20WorldCup pic.twitter.com/lCmla6hcfT

— BCCI (@BCCI) October 27, 2021

હવે ભારતને જરૂર છે ન્યૂઝીલેન્ડની ટીમને હરાવવાની અને ત્યાર બાદ સતત ત્રણ મેચ જીતીને સેમિફાઇનલ માટે ક્વોલિફાય કરી લેવાની. ટીમ ઇન્ડિયા જો ન્યૂઝીલેન્ડ સામે હારી જશે તો તે સેમિફાઇનલની રેસમાંથી લગભગ બહાર ફેંકાઈ જશે. અહીં આપણે એવું માનીને ચાલીએ કે ગ્રૂપ-૨ની મોટી ટીમો- એટલે કે ભારત, પાકિસ્તાન અને ન્યૂઝીલેન્ડ નાની ટીમો એટલેકે અફઘાનિસ્તાન, સ્કોટલેન્ડ અને નામીબિયાને હરાવવામાં સફળ રહેશે.

ભારત સેમિફાઇનલ માટે થઈ શકે છે ક્વોલિફાય 
આ સ્થિતિમાં ટીમ ઇન્ડિયા જો ન્યૂઝીલેન્ડને હરાવી દે તો પાકિસ્તાન ટીમના ૧૦ પોઇન્ટ થશે અને તે ગ્રૂપમાં ટોચના સ્થાને રહેશે. ન્યૂઝીલેન્ડ સહિત ત્રણ નાની ટીમને હરાવીને ભારત આઠ પોઇન્ટ સાથે બીજા સ્થાન પર રહેશે. ન્યૂઝીલેન્ડ ત્રણ નાની ટીમને હરાવીને છ પોઇન્ટ સાથે ત્રીજા સ્થાને રહેશે. આથી પાકિસ્તાન પ્રથમ અને ભારત બીજા સ્થાને રહીને સેમિફાઇનલ માટે ક્વોલિફાય કરી લેશે. આ સ્થિતિમાં ભારતનો સામનો ગ્રૂપ-૧માં ટોચના સ્થાને રહેનારી ટીમ સામે થશે. ગ્રૂપ-૧માં ટોચ પર રહેવાની દાવેદાર ટીમ ઈંગ્લેન્ડ, ઓસ્ટ્રેલિયા અને દક્ષિણ આફ્રિકા છે.