ICC મહિલા ટી20 વર્લ્ડ કપ માટે ભારતીય ટીમ તૈયાર છે. કેપ્ટન હરમનપ્રીત કૌરે બુધવારે સિડનીમાં કહ્યું કે, તેની ટીમ પોઝિટિવ એટીટ્યૂડ સાથે મેદાન પર ઉતરશે તો તે કોઈપણ ટીમમાં દબાણ લાવી શકે છે. હરમનપ્રીતે કહ્યું કે, આ પોઝિટિવિટી ભારતીય ટીમનો સૌથી મજબૂત પાસો છે અને તેની ટીમ શુક્રવારે ટૂર્નામેન્ટની પહેલી મેચમાં ચાર વખત ચેમ્પિયન અને ટાઇટલધારક ઓસ્ટ્રેલિયા સામે રમવા આતુરતાથી રાહ જોઇ રહી છે. ભારતીય ટીમ હજી સુધી આ ટૂર્નામેન્ટ જીતી શકી નથી.
21 ફેબ્રુઆરીએ થશે ભારત-ઓસ્ટ્રેલિયા વચ્ચે ટક્કર
ઓસ્ટ્રેલિયાની ટીમ 4 વખત ખિતાબ જીતી ચૂકી છે
ભારતીય ટીમ હજી સુધી આ ટૂર્નામેન્ટ જીતી શકી નથી
મહિલા બિગ બેશ લીગમાં સિડની થંડર સાથે રમવાને કારણે શહેરને સારી રીતે સમજનાર હરમનપ્રીતે કહ્યું, અમારી અંદર રોમાંચ છે કારણ કે પ્રથમ મેચને લઈને અમે ખૂબ જ ઉત્સાહિત છીએ અને અમે તેના પોઝિટિવ સાઈડ પર ધ્યાન આપી રહ્યા છીએ.30 વર્ષીની હરમનપ્રીતે કહ્યું, 'અમારી ટીમ એવી છે કે તે કોઈપણ ટીમ પર દબાણ લાવી શકે છે. અમે સકારાત્મક વિચારસરણી સાથે રમવા પર ધ્યાન કેન્દ્રિત કરી રહ્યા છીએ અને અમે અમારું બેસ્ટ આપવા માંગીએ છે.
ઓસ્ટ્રેલિયા સામેની મેચમાં બે દિવસથી ઓછા સમય બાકી હોવાથી હરમનપ્રીત માને છે કે ,તેની ટીમને ભારતીય સમર્થકોના સમર્થનથી તેની ટીમને ફાયદો થશે. તેણે કહ્યું, 'જો સિડની શોગ્રાઉન્ડની પિચ ધીમી રહેશે તો તેનાથી અમને ફાયદો થશે અને હવે આ વિકેટ આના જેવો દેખાય છે. અમે તેમાં સારું પ્રદર્શન કરવા પર ધ્યાન આપી રહ્યા છીએ.
હરમનપ્રીતે કહ્યું, 'આપણે બધા જાણીએ છીએ કે ભારતમાં દરેકને ક્રિકેટ પસંદ છે. અમે જ્યાં પણ જઇએ છીએ ત્યાં અમને ચાહકોનો પ્રેમ મળે છે અને હવે અમે ફરીથી તેમના સમર્થનની રાહ જોઈ રહ્યા છીએ.
ઓસ્ટ્રેલિયાની ફાસ્ટ બોલર અને ક્રિકેટ ઓસ્ટ્રેલિયાના પૂર્વ સીઈઓ જેમ્સ સદરલેન્ડની દિકરી અનાબેલ સદરલેન્ડ પહેલી વખત ટી20 વિશ્વ કપમાં ભાગ લેશે. તેણે થોડાં સપ્તાહ પહેલાં જ ટી20 આંતરરાષ્ટ્રીયમાં પદાર્પણ કર્યુ હતું. અનાબેલે કહ્યું, હું બહુ જ ખુશ છું. અમે ભારત સામે મહત્વપૂર્ણ મેચને લઈને બહુ જ એક્સાઈટેડ છીએ.