કોરોના સંક્રમણની શરુઆતથી ગત એક મહિના પહેલા દિલ્હી ટોપના સંક્રમિત રાજ્યોમાં હતી. પરંતુ ત્યાં સ્થિતિ સુધરી રહી છે અહીં રાજધાની મુખ્ય 5 રાજ્યોની યાદીમાંથી બહાર થઈ છઠ્ઠા સ્થાને સરકી ગઈ છે. અન્ય રાજ્યોની સરખામણીએ સૌથી ઓછા નવા દર્દીઓ આવી રહ્યા છે.
રાજધાની મુખ્ય 5 રાજ્યોની યાદીમાંથી બહાર થઈ છઠ્ઠા સ્થાને સરકી ગઈ
15 એપ્રિલ સુધી દિલ્હી ટોપ 3 ચેપગ્રસ્ત રાજ્યોમાં હતી
ગત મહિના સુધી ત્રીજા સ્થાને હતી
માર્ચના પહેલા અઠવાડિયામાં સંક્રમણનો પહેલો દર્દી મળ્યો હતો. 15 એપ્રિલ સુધી દિલ્હી ટોપ 3 ચેપગ્રસ્ત રાજ્યોમાં હતી. ગત મહિના સુધી આ સ્થિતી હતી. ઓગસ્તના પહેલા અઠવાડિયાથી આમાં સુધારો જોવા મળ્યો છે. આ બાદથી અહીં સાજા થનારા દર્દીઓની સંખ્યા પણ વધી છે. જેટલા દર્દીઓ કોરોનાગ્રસ્ત મળતા હતા તેટલા જ સાજા થઈ રહ્યા હતા અને નવા કેસમાં પણ ઘટાડો જોવા મળ્યો છે.
આ દરમિયાન અન્ય રાજ્ય જેવા કે આંધ્ર પ્રદેશ, કર્ણાટક અને ઉત્તર પ્રદેશમાં સંક્રમણ ઝડપથી વધી રહ્યું છે. જેના કારણે આ 3 રાજ્યો દિલ્હીને પાછળ છોડી રહ્યા છે. આ ક્રમશઃ ત્રીજા, ચોથા અને પાંચમાં સ્થાને આવી ગયા છે. મહારાષ્ટ્ર, તમિલનાડુ અને આંધ્ર પ્રદેશમાં દિલ્હી કરતા ત્રણ ગણા દર્દીઓ આવી રહ્યા છે.
લગભગ 4 મહિના સુધી બીજા સ્થાને રહેલી દિલ્હી છઠ્ઠા સ્થાને જતી રહી છે. અહીં રિકવરી રેટ 90 ટકા છે અને સંક્રમણ દર 7 ટકાની આસપાસ છે.