અમેરિકાના મેરીલેન્ડમાં એક ન્યૂઝપેપરની ઓફિસમાં બંદૂકધારી ઘૂસ્યા હતા અને અંધાધૂધ ફાયરિંગ કર્યું હતું. અંધાધૂધ ફાયરિંગમાં પાંચ લોકોનાં મોત થયા છે. તો પોલીસે એક સંદિગ્ધ શખ્શની ધરપકડ પણ કરી છે. પરંતુ મૃતકોની સંખ્યામાં વધારો થાય તેવી પણ આશંકા સેવાઈ રહી છે.
ઉલ્લેખનીય છે કે મેરીલેન્ડના એનાપોલિસ વિસ્તારમાં આવેલી કેપિટલ ગેજેટ નામના ન્યૂઝ પેપરની ઓફિસમાં બંદુકધારીઓએ અચાનક ફાયરિંગ શરૂ કરી દીધુ હતું અને પાંચ લોકોએ જીવ ગુમાવ્યા. તો FBI એ તપાસ પણ હાથ ધરી છે. તો ડોનાલ્ડ ટ્રંપે પણ ટ્વીટ કરીને સહાનુભૂતિ વ્યક્ત કરી છે.
Prior to departing Wisconsin I was briefed on the shooting at Capital Gazette in Annapolis Maryland. My thoughts and prayers are with the victims and their families. Thank you to all of the First Responders who are currently on the scene.
ધણધણી ઉઠ્યું મીડિયા હાઉસ
અમેરિકાના મેરીલેન્ડ ખાતે આવેલ એનાપોલિસ ખાતે આવેલી કેપિટલ ગેજેટની ઓફિસની બહાર કેટલાક અજાણ્યા શખ્સો દ્વારા અચાનક અંધાધૂધ ફાયરિંગ કરવામાં આવતા મીડિયા હાઉસ ધણધણી ઉઠ્યું હતું. સ્થાનિક મીડિયા રિપોર્ટસના જણાવ્યા મુજબ બંદુકધારી શખ્સોએ અચાનક ન્યૂઝરૂમની બહાર ફાયરિંગ શરૂ કરતા આ ઘટનામાં 5 લોકોના મોત થયા છે.
આપને જણાવી દઇએ કે આ ઘટનાને પગલે સમગ્ર વિસ્તારમાં સન્નાટો છવાઇ ગયો હતો અને મીડિયાની ઓફિસમાં કામ કરતા લોકો જીવ બચાવવા માટે આમતેમ દોડવા લાગ્યા હતા.
The White House strongly condemned the shooting incident at the 'Capital Gazette' newspaper office in Annapolis Maryland which claimed five lives
જો કે આ ઘટના અંગેની જાણકારી સ્થાનિક પોલીસને થતા પોલીસ કાફલો ઘટના સ્થળ પર પહોંચી પ્રાથમિક તપાસ હાથ ધરી હતી જો કે આ હુમલો કોના દ્વારા કરવામાં આવ્યો અને હુમલો કરવા પાછળનો આશય શું હતો તે અંગે હજી આ લખાઇ રહ્યું છે તેની જાણકારી પ્રાપ્ત થઇ શકી નહોતી.