OMG / નો ક્લોથ હનીમૂન: આ શહેરમાં કપડા પહેરવા પર થશે દંડ, લોકો શહેરમાં ફરે છે નગ્ન

• ફ્રાન્સના આ શહેરમાં લોકો કપડા વગર ફરે છે 
• ઉનાળાની ઋતુમાં ઘણા યુગલો અહીની મુલાકાત લે છે
• બીચ પર ફરવા સાથે વગર કપડાએ શોપિંગ પણ કરી શકો છો

આજકાલ લોકો ફરવા માટે ઘણા નવા શહેર જાય છે ત્યારે જો તમારા હજુ નવા નવા લગ્ન થયા હોય અથવા તો જો હમણા લગ્ન થવાના હોય તો તમારા માટે હનીમુન જવા માટે એક બેસ્ટ જગ્યા છે. જો તમારે નો ક્લોથ હનીમૂન માણવું હોય તો ફ્રાન્સના આ શહેર વિશે તો જાણી જ લેજો. ફ્રાન્સના આ શહેરનું નામ Cap d'Agde છે. અહીં લોકોને કપડાં પહેરવાની મંજૂરી નથી. જો કોઈ આવું કરે તો તેના પર દંડ ફટકારવામાં આવે છે. વાસ્તવમાં Cap d'Agdeના લોકોનું માનવું છે કે શરીર પર કપડાં ન રાખવાથી લોકોને તેમના શરીર પર વિશ્વાસ આવે છે. Cap d'Agdeમાં તમે કપડાં પહેર્યા વગર બીચ પર જઈ શકો છો, રેસ્ટોરન્ટમાં જમી શકો છો અને શોપિંગ પણ કરી શકો છો. ઉનાળાની ઋતુમાં Cap d'Agdeમાં મોટી સંખ્યામાં યુગલો આવે છે. ચાલો આપણે અહીં Cap d'Agdeની જીવનશૈલી અને નિયમો વિશે જાણીએ.

શહેરમાં ફરવા માટે ફી ચૂકવવી પડે છે
દરેક દેશની પોતાની સંસ્કૃતિ અને જીવનશૈલી હોય છે. આવો જ એક દેશ જેની પોતાની આગવી સંસ્કૃતિ છે તે છે યુરોપ ખંડનું ફ્રાંસ. Cap d'Agde ફ્રાન્સનું શહેર છે, જ્યાં લોકોને કપડાં પહેરવા બદલ દંડ ભરવો પડે છે. Cap d'Agde શહેરમાં પ્રવાસીઓ મોટી સંખ્યામાં આવે છે. તમને જાણીને આશ્ચર્ય થશે કે Cap d'Agdeમાં રહેવા માટે પ્રવાસીઓએ ફી ચૂકવવી પડે છે. કેટલાક લોકો Cap d'Agdeને નેકેડ શહેર પણ કહે છે.

મોટાભાગે કપલ્સ મુલાકાત લે છે
તમને જણાવી દઈએ કે ફ્રાંસનું Cap d'Agde શહેર સમુદ્ર કિનારે સ્થિત છે. અહીંના પ્રવાસીઓના આકર્ષણનું કેન્દ્ર અહીંના રિસોર્ટ્સ છે. પ્રવાસીઓ ઉનાળાના દિવસોમાં અહીં આવવાનું પસંદ કરે છે. Cap d'Agde તેની અનોખી જીવનશૈલી માટે પ્રખ્યાત છે. નોંધનીય છે કે પ્રવાસીઓ તરીકે Cap d'Agde શહેરમાં મોટાભાગના કપલ્સ આવે છે. અહીંના લોકોનું માનવું છે કે કપડાં ન પહેરવાથી આત્મવિશ્વાસ વધે છે.

શોપિંગની મજા પણ લઇ શકો છો
જાણો ફ્રાંસના પ્રખ્યાત શહેર Cap d'Agdeમાં તમે માત્ર કપડાં પહેર્યા વગર જ નહીં, માત્ર બીચ કે રિસોર્ટ્સ જ નહીં, શોપિંગ કરવા પણ જઇ શકો છો. તમે રેસ્ટોરન્ટમાં જઈને કપડાં વગર પણ ખાઈ શકો છો. એક અંદાજ મુજબ, ઉનાળાની ઋતુમાં લગભગ 50,000 પ્રવાસીઓ Cap d'Agde શહેરની મુલાકાત લે છે અને અહીંની અનોખી જીવનશૈલીનો આનંદ માણે છે.

ફોટોગ્રાફી કરવાની મનાઈ
ઉલ્લેખનીય છે કે એક તરફ Cap d'Agdeને કપડાં વગર ફરવાની આઝાદી છે તો બીજી તરફ પબ્લિક પ્લેસમાં પાર્ટનર સાથે ખુલ્લેઆમ ઇન્ટીમેટ કરવાની મનાઇ છે. જો આ સ્થિતિમાં કોઈ પકડાય તો તેને લગભગ 12,860 પાઉન્ડ એટલે કે લગભગ 12 લાખ રૂપિયાનો ભારે દંડ ભરવો પડી શકે છે. આ ઉપરાંત ફ્રાન્સના Cap d'Agde શહેરમાં કોઈપણ પ્રકારની ફોટોગ્રાફી કરવાની પણ મનાઈ છે. જો કોઈ આમ કરવાનો પ્રયત્ન કરે તો તેને દંડ ફટકારવામાં આવે છે.

પ્રવાસીઓ માટે આકર્ષણ
તમને જણાવી દઈએ કે ફ્રાંસના Cap d'Agde શહેરમાં ભલે લોકો કપડા વગર ફરતા હોય પરંતુ કોઈ બીજાને હેરાન નથી કરતું. Cap d'Agde શહેરમાં દરિયા કિનારે આશરે 2 કિલોમીટર સુધી વસવાટ કરે છે. અહીંના દરિયાકિનારા ખૂબ જ સુંદર છે. Cap d'Agdeની અનોખી સંસ્કૃતિ પ્રવાસીઓને ખૂબ આકર્ષે છે.