કર્ણાટક હાઈકોર્ટે પ્રેમી પર લગેલા રેપના આરોપોને ફગાવી દીધા છે. કોર્ટે કપલની વચ્ચે 5 વર્ષની ટાઈમલાઈનને આધાર માની હતી.
કર્ણાટક હાઈકોર્ટે આપ્યો મહત્વનો ચુકાદો
5 વર્ષ સુધી મરજી વગર ન હોઈ શકે સંબંધ
કોર્ટે રેપના આરોપોને ફગાવ્યા
કર્ણાટક હાઈકોર્ટે પાંચ વર્ષના યૌન સંબંધ બાદ પોતાના અલગ રહેતા પ્રેમી પર બળાત્કાર અને વિશ્વાસના અપરાધિક ઉલ્લંધનના કેસ પર સુનાવણી કરી. આ સમયે હાઈકોર્ટે આરોપી વ્યક્તિ વિરૂદ્ધ આરોપોને ફગાવ્યા હતા. અરજીમાં કહેવામાં આવ્યું છે કે પ્રેમિકાએ લગ્ન કરવાના વચનના કારણે સંબંધ બાંધ્યા પરંતુ બાદમાં આરોપી તેનાથી અલગ થઈ ગયો.
કર્ણાટક હાઈકોર્ટે લગ્નનું વચન આપી યૌન સંબંધ બાધવાના કેસમાં યુવક પર લાગેલા આરોપોને ફગાવ્યા હતા. મહિલાએ આરોપ લગાવ્યા હતા કે યુવકે લગ્નનું વચન આપીને તેની સાથે પાંચ વર્ષ સુધી શારીરિક સંબંધ બનાવ્યા પરંતુ બાદમાં તે અલગ થઈ ગયો.
હાઈકોર્ટે સંબંધની ટાઈમલાઈન પર આપ્યો ચુકાદો
જજ એમ નાગપ્રસન્નાએ નિર્ણયમાં જણાવ્યું, "આ મામલામાં સહમતિ એક વાર નહીં, બે વાર નહીં, ત્રણ વાર અથવા દિવસો કે મહિનાઓ માટે નહીં પરંતુ વર્ષો માટે અને આખા પાંચ વર્ષ માટે લેવામાં આવી છે." પીઠે આગળ કહ્યું કે એમ ન કહી શકાય કે એક મહિલા સાથે પાંચ વર્ષ સુધી વગર તેની મરજીએ સંબંધ બાંધવામાં આવ્યા.
આટલા લાંબા સમય માટે કોઈ સંબંધ રહેવો અને તે સમયે બન્નેની વચ્ચે બનેલા સંબંધના કારણે 375 અને 376 હેઠળ અપરાધ નહીં માનવામાં આવે. આઈપીસીની કલમ 375 મહિલાની સહમતિ વિરૂદ્ધ યૌન સંબંધને બળાત્કાર માને છે અને કલમ 376માં બળાત્કાર માટે સજાની જોગવાઈ છે.
શું હતો સમગ્ર મામલો?
બેંગ્લોરના રહેવાસી એક યુવક પર તેની પૂર્વ પ્રેમિકાએ લગ્નનું વચન આપીને પાંચ વર્ષ સુધી યૌન શોષણ કરવાનો આરોપ લગાવવામાં આવ્યો હતો. મહિલાએ તે વ્યક્તિ વિરૂદ્ધ અપરાધિક કેસ નોંધાવ્યો કે તેણે લગ્નનું વચન આપીને ઘણી વખત તેની સાથે યૌન સંબંધ બનાવ્યા અને તે બળાત્કારની શ્રેણીમાં આવે છે.
દીવાની અને સત્ર ન્યાયાલયમાં તેના વિરૂદ્ધ કરવામાં આવેલી કાર્યવાહી શરૂ થઈ તેના વિરૂદ્ધ યુવકે હાઈ કોર્ટમાં અપીલ કરી હતી. યુવક અનુસાર, તે અને ફરિયાદી પાંચ વર્ષથી પ્રેમમાં હતા અને લગ્ન કરવા માંગતા હતા પરંતુ જાતિગત અંતરના કારણે એવું ન થઈ શક્યું.