ન્યાયિક / સેક્સ સંબંધ બાંધતા પહેલા આધાર કાર્ડ કે પાન કાર્ડ ચેક ન કરી શકાય- સગીરા રેપ કેસમાં HC

• દિલ્હી હાઈકોર્ટની મહત્વની ટીપ્પણી 
• કોઈ વ્યક્તિ આધાર કાર્ડ જોઈને સેક્સ સંબંધ ન બાંધી શકે
• હાઈકોર્ટે સગીરાના રેપના આરોપીને જામીન આપ્યાં 

ત્રણ અલગ અલગ જન્મ તારીખવાળી સગીરા સાથે રેપના આરોપી શખ્સને જામીન આપતા દિલ્હી હાઈકોર્ટે એવી મહત્વની ટીપ્પણી કરી છે કે શારીરિક સંબંધ બાંધતા પહેલા વ્યક્તિને તેના પાર્ટનરની જન્મતારીખ જોવાની જરુર પડતી નથી. કોર્ટે કહ્યું કે કંઈ આધાર કાર્ડ કે પાન કાર્ડ જોઈને શારીરિક સંબંધ નથી બાંધી શકાતા. દિલ્હી હાઈકોર્ટે એક મહત્વપૂર્ણ ટીપ્પણી કરતા એવું જણાવ્યું કે પોતાના પાર્ટનર સાથે સેક્સ સંબંધ બાંધતા પહેલા કોઈ વ્યક્તિ પાર્ટનરના સ્કૂલ રેકોર્ડ પરથી તેની જન્મતારીખ ચેક ન કરી શકે. કોર્ટે કહ્યું કે જે વ્યક્તિ અન્ય વ્યક્તિ સાથે સંમતિથી શારીરિક સંબંધ બાંધે છે, તેને બીજી વ્યક્તિની જન્મ તારીખની ન્યાયિક તપાસ કરવાની જરૂર નથી. તેણે શારીરિક સંબંધ બાંધતા પહેલા આધાર કાર્ડ, પાન કાર્ડ જોવાની અને તેની શાળાના રેકોર્ડથી જન્મ તારીખની ચકાસણી કરવાની જરૂર નથી.

રેપની ઘટના વખતે ફરિયાદીની ઉંમર પુખ્ય વય જેટલી હતી 
જસ્ટિસ જસમીતસિંહે 24 ઓગસ્ટના આદેશમાં જણાવ્યું હતું કે, "હકીકત એ છે કે ત્યાં આધાર કાર્ડ છે અને તે જ જન્મ તારીખ 01.01.1998 બતાવે છે તે અરજદાર માટે એવો અભિપ્રાય બનાવવા માટે પૂરતો છે કે તે સગીર સાથે શારીરિક સંબંધ બાંધતો નથી.જન્મ તારીખના સંદર્ભમાં, એવું લાગે છે કે ફરિયાદીને જન્મની ત્રણ જુદી જુદી તારીખો છે. આધાર કાર્ડમાં તેની જન્મ તારીખ 01.01.1998 બતાવવામાં આવી છે અને તેથી, કથિત ઘટનાની તારીખે, ફરિયાદી પુષ્ત વયનું હોવાનું લાગી રહ્યું છે. 

કોર્ટમાં આરોપીએ એવો દાવો કર્યો હતો કે સગીરા પોતાની મરજી પ્રમાણે અલગ અલગ જન્મતારીખ આપી રહી છે જેથી કરીને તેની સામે ચાઈલ્ડ એબ્યુઝ (બાળ યૌન શોષણ)નો જબડેસલાક કેસ લાગુ પડી શકે. 

કોર્ટે સગીરાના રેપના આરોપીને આપ્યા જામીન
કોર્ટે સગીરાના રેપના આરોપીને જામીન આપતી વખતે આવી ટીપ્પણી કરી હતી. 

શું છે ઘટના
એક શખ્સ પર સગીરાએ રેપ આરોપ લગાવતી ફરિયાદ દાખલ કરી હતી. કોર્ટમાં આ કેસ ચાલતા સગીરાએ તેની ત્રણ અલગ અલગ જન્મતારીખ દર્શાવી હતી. ફરિયાદી એવું સાબિત કરવા માગતી હતી કે જે સમય રેપની ઘટના બની તે સમયે તે પુષ્ત વયની નહીં પરંતુ સગીર વયની હતી તેથી આરોપી સામે સગીરાના રેપનો કેસ ચલાવવો જોઈએ. જોકે કોર્ટે આરોપીને જામીન આપતા એવું કહ્યું કે જે સમયે ઘટના બની કે સમયે તેની ઉંમર પુષ્ત વયની લાગતી હતી અને કોઈ વ્યક્તિ કંઈ આધાર કાર્ડ કે પાન કાર્ડ જોઈને પોતાના પાર્ટનર સાથે સેક્સ સંબંધ ન બાંધી શકે.