મોટો ચુકાદો / પીડિતાને સેક્સની લત હતી, ચરિત્ર સારુ નહોતું, તેથી રેપના આરોપીને છોડી ન શકાય-કેરળ હાઈકોર્ટ

• રેપ કેસમાં કેરળ હાઈકોર્ટનો મહત્વનો ચુકાદો
• પીડિતાનું ચરિત્ર સારુ નહોતું તે આધારે રેપ આરોપીને ન છોડી શકાય
• પીડિતાને સેક્સની લત હતી તેવી દલીલ પણ અમાન્ય 

રેપ કેસમાં મહત્વનો ચુકાદો આપતા કેરળ હાઈકોર્ટની ખંડપીઠે જણાવ્યું કે એક પિતા દ્વારા પોતાની જ પુત્રીની સાથે રેપ કરવા જેવો મોટો અને જધન્ય ગુનો બીજો કયો હોઈ શકે. 

હાઈકોર્ટે સગી પુત્રી પર બળાત્કાર કરનાર પિતાને દોષી ઠેરવ્યો 

પોતાની 16 વર્ષની પુત્રી પર બળાત્કાર ગુજારનાર અને ગર્ભિત કરનારા પિતાને દોષી ઠેરવતા ન્યાયાધીશ આર નારાયણે કહ્યું હતું કે બળાત્કાર પીડિતાની જુબાનીની વિશ્વસનીયતા ને એ હકીકતથી અસર થશે નહીં કે તેણે અન્ય વ્યક્તિ સાથે સેક્સ માણ્યું છે. આરોપીની દલીલ કરવામાં આવી છે કે પીડિતાના અન્ય કોઈ સાથે સંબંધ હતા.

આરોપીની અરજી ફગાવી દેતાં કોર્ટે 11 ઓક્ટોબરના ચુકાદામાં કહ્યું હતું કે: જો કોઈ છોકરીનું પાત્ર ખરાબ હોય અથવા તેને સેક્સ કરવાની ટેવ હોય તો તેનો અર્થ એ નથી કે બળાત્કારના આરોપીને મુક્ત કરવો જોઈએ. પીડિતાએ અગાઉ સેક્સ માણ્યું હોવાનું માની લેવામાં આવે તો પણ તે નિર્ણાયક પ્રશ્ન નથી. ઊલટું, સવાલ એ છે કે શું આરોપીએ પીડિતા પર બળાત્કાર ગુજાર્યો હતો, તે પીડિતાની નહીં પરંતુ આરોપીની સુનાવણી છે.

પીડિતાને બીજા સાથે સેક્સુઅલ રિલેશન હતા-આરોપી પિતાની દલીલ કોર્ટે ફગાવી 

પોતાની 16 વર્ષની પુત્રી પર રેપ કરીને ગર્ભવતી બનાવનાર આરોપી પિતાને દોષી ઠેરવતા જસ્ટીસ આર નારાયણે પિશારદીએ જણાવ્યું કે પીડિતાનું ચરિત્ર સારુ ન હોતું કે તે હલકા ગુણો વાળી હતી તે આધારે રેપના આરોપીને ન છોડી શકાય. પીડિતાએ બીજા કોઈની સાથે સેક્સ માણ્યું હતું અને તેની બીજા સાથે સેક્સુઅલ રિલેશન હતા તેવી આરોપીની દલીલને ફગાવતા જસ્ટીસે કહ્યું કે આ દલીલને આધારે આરોપીને ન છોડી શકાય .

શું છે મામલો
કેરળની 16 વર્ષીય પીડિતાએ એવો આક્ષેપ કર્યો હતો કે તેના પિતાએ તેની પર વારંવાર રેપ કરીને ગર્ભવતી બનાવી હતી. પીડિતાએ એવું પણ જણાવ્યું કે પિતાના વારંવારના રેપને કારણે તે ગર્ભવતી થઈ હતી અને એક બાળકને પણ જન્મ આપ્યો હતો. ગર્ભવતી થયા બાદ મેં માતા અને કાકાને આ વાતની જાણ કરી હતી તેઓ મને પોલીસ સ્ટેશને લઈ ગયા હતા.