સાબરકાંઠામાં નશીલા પદાર્થોની હેરાફેરીના માર્ગ માટે જાણીતો છે. પરંતુ હેરાફેરીના બદલે અહીં જ નશીલા પદાર્થોનું ઉત્પાદન કરવાની ઘટના સામે આવતા પોલીસ પણ દંગ રહી ગઈ છે.
સાબરકાંઠાના વિજયનગરમાંથી ગાંજાનું વાવેતર ઝડપાયું
પોલીસે 3 લાખથી વધુની કિંમતના 83 છોડ કર્યા જપ્ત
ફરાર આરોપીને પકડવા પોલીસે કવાયત હાથ ધરાઈ
છેલ્લા કેટલાક સમય થી સાબરકાંઠા SOG એ એમડી ડ્રગ્સ થી લઈને ગાંજો અને અન્ય નશીલા પદાર્થોની હેરફેર અને વેચાણને ઝડપી લીધા છે.સાબર કાંઠા SOG દ્વારા આ અંગે દરોડા પાડીને નોંધપાત્ર કેસો કરીને નશીલા પદાર્થોની હેરફેર અને વેચાણ કરનારાઓ પર ધોંસ બોલાવી દીધી છે. આ દરમિયાન હવે માદક પદાર્થનુ વાવેતર ઝડપી પાડ્યુ છે.
સાબરકાંઠા SOGએ બાતમીના આધારે કરી રેડ
સાબરકાંઠા SOG પોલીસ છેલ્લા કેટલાક સમયથી નશીલા પદાર્થોને ઝડપી પાડવા જિલ્લામાં પેટ્રોલીંગ કરી રહી છે. આ દરમિયાન SOG પોલીસને બાતમી મળી હતી કે, સાબરકાંઠાના ખેરવાડામાં કેટલાક ઈસમો દ્વારા ગેરકાયદે રીતે ગાંજાનું વાવેતર કરવામાં આવ્યું છે. જેને પગલે SOGની ટીમ દ્વારા વિજયનગર તાલુકાના ખેરવાડા ગામે દરોડો પાડ્યો હતો.
ખેરવાડા ખાતે ગેર કાયદેસર ખેતરમાં કરાયુ હતુ વાવેતર
અને બાતમી મુજબ ગાંજાના વાવેતર કરનાર સ્થળ પર પહોંચ્યા હતા. જેમાં તપાસ દરમિયાન પોલીસને એક બાદ એક 83 જેટલા છોડનું વાવેતર મળી આવ્યું હતું. આમ સ્થાનિક વિજયનગર પોલીસને અંધારામાં રાખીને ગાંજાના છોડનુ વાવેતર કરવામાં આવ્યુ હતુ. જેને લઈને SOGની ટીમે કાયદેસરની કાર્યવાહી હાથ ધરી હતી અને ખેતરમાં 52.850 કીલોગ્રામ ગાંજાના છોડને જપ્ત કરી લીધા જેની કિંમત 3.17 લાખ રુપિયા અંદાજવામાં આવી છે.
ફરાર આરોપીને પકડવા કવાયત હાથ ધરાઈ
સાબરકાંઠા SOG પોલીસે વિજયનગર પોલીસ મથકે જે ખેતરમાં વાવેતર કરવામાં આવ્યુ હતુ, તે ખેતરના માલિક વિરુદ્ધ ફરીયાદ નોંધાવી છે.અને ફરાર આરોપીને પકડવા માટેની કવાયત હાથ ધરાઈ છે.