GPSC અને પંચાયત વિભાગની પરીક્ષા એક જ દિવસે; પરીક્ષાની તારીખ ફેરબદલ કરવાની માગ સાથે ABVPએ વડોદરા કલેક્ટરને આપ્યું આવેદનપત્ર
GPSC, પંચાયત વિભાગની પરીક્ષા એક જ દિવસે
પરીક્ષાની તારીખ ફેરબદલ કરવા માગ
ABVPએ કલેક્ટરને આપ્યું આવેદનપત્ર
GPSC અને પંચાયત વિભાગની પરીક્ષા એક જ દિવસે છે. GPSC વર્ગ-2 અને પંચાયતી વિભાગની પરીક્ષા એક જ દિવસે છે. પરીક્ષાની તારીખ ફેરબદલ કરવા ABVPએ માગ કરી છે. જેને લઈ વડોદરા કલેક્ટરને આવેદન આપી પરીક્ષાની તારીખ ફેરબદલ કરવા માગ કરી છે. બંને પરીક્ષા આપતા વિધાર્થીઓને સમસ્યાની રજૂઆત કરવામાં આવી છે. બંને પરિક્ષા આપતા વિદ્યાર્થીઓ પરીક્ષા આપી શકે તે માટે વ્યવસ્થા કરવા પણ માગ કરવામાં આવી છે.
વડોદરા ABVPના હોદ્દેદારનું નિવેદન
વડોદરા ABVP મંત્રી વ્રજ ભટ્ટ જણાવ્યું કે, વડોદરા ક્લેક્ટરના માધ્યમથી રાજ્યના મુખ્યમંત્રી પાસે માગ કરીએ છીએ કે, 8 જાન્યુઆરી યોજાનારી પરીક્ષા GPSC વર્ગ-2 અને પંચાયતીની વિભાગ એમ બન્ને પરીક્ષાઓ તેમજ 29 જાન્યુઆરી યોજાનારી પરીક્ષા પણ એક જ દિવસમાં બંન્ને હોવાથી ઘણા બધા વિદ્યાર્થીઓ બન્ને પરીક્ષાઓ આપે છે તેમને મુશ્કેલી થશે જેથી તારીખમાં ફેરબદલ કરવા માંગ કરવામાં આવી છે.
એક જ દિવસે બંન્ને પરીક્ષા હોવાથી તારીખમાં ફેરબદલ કરવા માગ
ABVP દ્વારા માગ કરવામાં આવી છે કે, વિવિધ વિભાગની પરીક્ષા લેવામાં આવે છે જેમાં એક જ તારીખે બંન્ને જુદા જુદા વિભાગની પરીક્ષા હોવાથી વિદ્યાર્થીઓને ભારે મુશ્કેલી સર્જાશે. તેમના કહેવા પ્રમાણે કેટાલાય વિદ્યાર્થીઓ છે જે બંન્ને પરીક્ષાઓ આપવા ઈચ્છી રહ્યાં છે પરંતુ બંન્ને પરીક્ષા એક જ તારીખે હોવાથી પરીક્ષાર્થી અસમંજસમાં મુકાયા છે. જેને લઈ સરકાર સમક્ષ માગ કરવામાં આવી છે જે તારીખોમાં ફેરબદલ કરવામાં આવે.