ગુજરાત વિધાનસભાની આગામી વર્ષે ચૂંટણીઓ યોજાર છે ત્યારે હવે કોંગ્રેસના નવા પ્રદેશ પ્રમુખ જગદીશ ઠાકોરનું મોટું નિવેદન સામે આવ્યું છે
વિધાનસભા ચૂંટણીને કોંગ્રેસ આક્રમક
ચૂંટણી પહેલા કોંગ્રેસ ઉમેદવાર જાહેર કરશે
બેઠક નબળી હશે ત્યાં પહેલા ઉમેદવાર જાહેર થશે
ગુજરાત વિધાનસભાની આગામી વર્ષે ચૂંટણીઓ યોજાર છે ત્યારે હવે કોંગ્રેસના નવા પ્રદેશ પ્રમુખ જગદીશ ઠાકોરનું મોટું નિવેદન સામે આવ્યું છે. ગુજરાત કોંગ્રેસના પ્રદેશ પ્રમુખ જગદીશ ઠાકોરે જણાવ્યું છે કે જે નબળી બેઠકો છે તે બેઠક પર પહેલાથી જ ઉમેદવાર પસંદ કરવામાં આવશે તેમજ ગુજરાત કોંગ્રેસ વિધાનસભાની ચૂંટણી પહેલા જ પોતાના ઉમેદવાર જાહેર કરાશે, આ મુદ્દે સંકલન સમિતિની બેઠકમાં ચર્ચા થઈ હોવાનું પણ જગદીશ ઠાકોરે જણાવ્યું છે.
વિધાનસભા ચૂંટણી પહેલા કોંગ્રેસ ઉમેદવાર જાહેર કરશે
અહીં ઉલ્લેખનિય છે કે છેલ્લા અઢી દાયદાથી ગુજરાતમાં કોંગ્રેસ શાસનથી વિલિપ્ત રહી છે, ગુજરાતમાં એક પક્ષનું શાસન લાંબા સમયથી ચાલી રહ્યું છે, ત્યારે કોંગ્રેસને પાછી બેઠી કરવા કોંગ્રેસ હાઈકમાન્ડે ગુજરાત પ્રદેશ કોંગ્રેસની કમાન જગદીશ ઠાકોરને સોંપી છે, આવનાર સમયમાં જગદીશ ઠાકોર પક્ષને મજબૂત કરવા કેવા નિર્ણય લેશે તે આવનાર સમય બતાવશે. હાલ તો સંગઠનને મજબૂત કરવા કોંગ્રેસ પક્ષે ખાસ રણનીતિ બનાવી છે. વિધાનસભાની ચૂંટણી અગાઉ જે બેઠક નબળી છે તે બેઠક પર પહેલાથી જ ઉમેદવાર પસંદ કરાશે તેવું આજે કોંગ્રેસના નવા પ્રદેશ પ્રમુખ જગદીશ ઠાકોરે જણાવ્યું છે.