દેશમાં હાલ ચૂંટણીની સિઝન ચાલી રહી છે. પાંચ રાજ્યોમાં વિધાનસભાની ચૂંટણી થઈ રહી છે, તો વળી બીજી બાજૂ કેટલાય રાજ્યોમાં સ્થાનિક સ્વરાજની ચૂંટણી પણ યોજાઈ રહી છે.
તમિલનાડૂમાં હાલમાં નગર નિગમની ચૂંટણી યોજાઈ
મતદારોને ઉમેદવારે સોનાના સિક્કા આપ્યા
મતદારો સાથે ઉમેદવારે કરી છેતરપીંડી
દેશમાં હાલ ચૂંટણીની સિઝન ચાલી રહી છે. પાંચ રાજ્યોમાં વિધાનસભાની ચૂંટણી થઈ રહી છે, તો વળી બીજી બાજૂ કેટલાય રાજ્યોમાં સ્થાનિક સ્વરાજની ચૂંટણી પણ યોજાઈ રહી છે. આ તમામની વચ્ચે ઘણી વાર પાર્ટીના ઉમેદવારો ચિત્ર વિચિત્ર કાંડ કરતા હોય છે. હાલમાં જ તમિલનાડૂમાં આવી જ એક ઘટના સામે આવી હતી, જ્યાં સ્થાનિક સ્વરાજની ચૂંટણી દરમિયાન પોતાના મતદારોને લાલચ આપવા માટે ઉમેદવારો સોનાના સિક્કા લોકોમાં વહેંચ્યા હતા. પણ મતદારાએ બાદમાં કહ્યું કે,આ સિક્કાઓ તો નકલી છે.
અપક્ષ ઉમેદવારે સોનાના સિક્કા પકડાવ્યા
હકીકતમાં જોઈએ તો, આ ઘટના તમિલનાડૂના અંબૂરની છે. એક રિપોર્ટમાં જણાવ્યા અનુસાર આ ઉમેદવારનું નામ મણિમેગાલાઈ દુરઈપંડી છે. અને તે અહીંથી કોર્પોરેટના પદ માટે અંબૂરના એક વોર્ડમાંથી અપક્ષ ઉમેદવાર તરીકે ઉભો રહ્યો હતો. અહીં 19 ફેબ્રુઆરી ચૂંટણી થઈ હતી અને તેણે પોતાના સમર્થકો સાથે મળીને 18 તારીખે રાતે એટલો જોરદાર પ્રચાર કર્યો કે, પોતાના મતદારોને જોશમાં આવીને સોનાના સિક્કા ભેટમાં આપવા લાગ્યો.
ચૂંટણી પતી જાય પછી વાપરવા અનુરોધ કર્યો
રિપોર્ટમાં જણાવ્યા અનુસાર ઉમેદવાર અને તેનો પતિ પોતાના મતદારોને સિક્કા વહેંચતા કહ્યું આ સોનાના સિક્કા છે. તેને ગિફ્ટ તરીકે છે, જે આપ રાખી લો અને અમને મત આપજો. તેમણે મતદારોને એવું પણ કહ્યું કે, આ સિક્કાને બે દિવસ બાદ ઉપયોગમાં લેજો. જેથી ચૂંટણી પતી જાય અને ચૂંટણી પંચને ખબર ન પડે. તેમણે તેને મતદાર ગણતરીના દિવસે તેને ખોલવાની વાત કહી.
તાંબાના સિક્કા નિકળ્યા
જો કે, આ તમામની વચ્ચે ત્યાં મતદાન પણ પતી ગયું અને ત્યાર બાદ રવિવારે અમુક મતદારોએ પોતાના સિક્કા વેચાવ અને ગિરવે રાખવાનો પ્લાન બનાવ્યો. જ્યારે તેઓ દુકાન પર ગયા તો તેમને ખબર પડી કે, સોનાના સિક્કાના નામે ચૂનો લગાવી દીધો હતો. આ વાત જાણીને ચોંકી ગયા કે, સોનાના સિક્કા નહીં પણ આ તો તાંબાના હતા. મતદારોએ દાવો કર્યો કે, મણિમેગાલાઈ દુરઈપંડીએ સોનાના પરત ચડાવેલા તાંબાના સિક્કા પધરાવી દીધા. હાલામં વોર્ડમાં દરેક મતદારો છેતરાયા હોવાનું અનુભવી રહ્યા છે. આ મામલે પ્રશાસન તરફથી કંઈ નિવેદન આવ્યું નથી.