છેલ્લી દોડ / મોડાસામાં GRDની ભરતીમાં દોડ પૂરી કર્યા બાદ છાતીમાં દુઃખાવો ઉપડતા ઉમેદવારનું મોત

• મોડાસા નોકરી માટે જીવનની અંતિમ દોડ
• શારીરિક ક્ષમતા કસોટીમાં યુવકનું મોત 
• GRD ભરતી દરમિયાન ઘટના; મૃતકને બે બાળકો  

ગુજરાતમાં અત્યારે પોલીસ ભરતી પરીક્ષાની તૈયારીઓ પૂરજોશમાં ચાલે છે.ત્યારે શારીરિક કસોટી ક્ષમતા ચકાસણી માટે મોડાસામાં GRDની ભરતીમાં પહોંચેલા યુવકનું મોત નીપજતા સનસનાટી મચી ગઈ હતી. 

મોડાસામાં GRD માટે શારીરિક ક્ષમતા કસોટી ચાલી રહી હતી.આ દરમિયાન રણજીત સિંહ નામક 37 વર્ષીય યુવકને અચાનક જ છાતીમાં દુખાવો ઉપાડ્યો હતો. શારીરિક ક્ષમતા માટે આવેલા યુવકને હોસ્પિટલ ખસેડવા તજવીજ કરાઈ હતી,આ દરમિયાન જ તેનું મોત નીપજ્યું હતું. રણજીત સિંહને હોસ્પિટલનાં તબીબે મૃત જાહેર કર્યો હતો.

વિધિની વક્રતા એ છેકે,મૃતક રણજીતસિંહને બે બાળકો છે જેમાં એકની  ઉમર 3 વર્ષ અને બીજાની માત્ર 7 મહિના છે. બંને બાળકોએ પિતાની છત્રછાય ગુમાવી છે.