કેન્સર, એક એવી ગંભીર બિમારી છે જેનો પૂર્ણ રીતે ઇલાજ શોધવો મુશ્કેલ છે. ત્યારે કેન્સરના દર્દીઓમાં સતત થઇ રહેલો વધારો એક મોટી સમસ્યા બની છે.
એક રિપોર્ટ અનુસાર, મધ્યમ-આવક ધરાવતા દેશોમાં કેન્સરના દર્દીની વધતી સંખ્યા માટે લગભગ 1 લાખ કેન્સર ફિજિશિયનની જરૂર રહેશે.
એક સ્ટડી અનુસાર દુનિયાભરમાં વર્ષ 2040 સુધી દર વર્ષે 1.5 કરોડથી વધારે લોકોને કિમોથેરપીની જરૂર પડશે. આ સ્ટડી લાન્સેટ ઓન્કોલોજી જર્નલમાં પ્રકાશિત થઇ છે. તેમા અનુમન લાગવામાં આવ્યું છે કે વર્ષ 2018થી 2040 સુધી દુનિયાભરમાં દર વર્ષે દર્દીઓની સંખ્યામાં 53 ટકા સુધીનો વધારો થશે. જેમને કિમોથેરપીની જરૂર રહેશે.
આ સ્ટડી સિડનીની યૂનિવર્સિટી ઓફ ન્યૂ સાઉથ વેલ્સ, ઓસ્ટ્રેલિયાની ઇન્ઘમ ઇન્સ્ટિટ્યૂટ ફોર અપ્લાઇડ મેડિકલ રિસર્ચ, કિન્ગહોર્ન કેન્સર સેન્ટર, લિવરપૂલ કેન્સર સેન્ટર, અને ફ્રાન્સની ઇન્ટરનેશનલ એજન્સી ફોર રિસર્ચ ઓન કેન્સરના એક્સપર્ટે કરી હતી. યૂનિવર્સિટી ઓફ ન્યૂ સાઉથ વેલ્સની બ્રૂક વિલ્સન મુજબ વધતા ગ્લોબલ કેન્સર બર્ડન મુખ્ય સ્વાસ્થ્ય સંકટોમાંથી એક છે.
2040 સુધીમાં 1.5 કરોડથી વધારે કેન્સર દર્દીઓમાં 1 કરોડથી વધારે દર્દી ઓછી અથવા મધ્યમ આવક ધરાવતા દેશોના રહેશે. સ્ટડી અનુસાર 2040માં સૌથી વધારે લંગ, બ્રેસ્ટ અને કોલોરેક્ટલ કેન્સરના મામલામાં કીમોથેરપીની જરૂર રહેશે. આ ત્રણ કેન્સરના સૌથી વધારે મામલા સામે આવવાની આશંકા સેવાઇ રહી છે.