ખુલાસો / કેન્સરનું પ્રમાણ દેશમાં આટલા જ સમયમાં 12% વધી જશે: ICMRનો ચોંકાવનારો દાવો

આ રિપોર્ટમાં એમ પણ કહેવામાં આવ્યું છે કે 2020માં તમાકુને લીધે થનાર કેન્સર કુલ કેન્સરના 27.1% જેટલા હશે અને સૌથી વધુ કેન્સર ઉત્તર પૂર્વના પ્રદેશોમાં નોંધાશે. આ ઉપરાંત આંતરડાનું કેન્સર અને બ્રેસ્ટ કેન્સર સૌથી વધુ પ્રમાણમાં હશે. આ પૈકી પુરુષોમાં ફેફસા, મોઢા, પેટ અને અન્નનળીનું કેન્સર સૌથી વધુ પ્રમાણમાં હોય છે જયારે સ્ત્રીઓમાં બ્રેસ્ટ કેન્સર અને યોનિમાર્ગનું કેન્સર સૌથી વધુ પ્રમાણમાં થાય છે.

2020ના ટ્રેન્ડ અને આંકડા ઉપરથી કાઢવામાં આવ્યો આ ડેટા 

આ ડેટા ICMR દ્વારા દેશમાં કેન્સરના હાલના એટલે કે 2020ના ટ્રેન્ડ અને આંકડાઓ ઉપરથી કાઢવામાં આવ્યો છે. આ માટે ICMRની દેશભરમાં 28 વસ્તી આધારિત કેન્સર રજિસ્ટ્રી છે અને 58 હોસ્પિટલ આધારિત કેન્સર રજિસ્ટ્રી છે.  ભારતમાં પુરુષોના કેન્સરના કેસ 2020માં 6,79,421 જેટલા છે અને તે વધીને 7,63,575 જેટલા થવાની સંભાવના છે. મહિલાઓમાં કેસનું પ્રમાણ 2020માં 7,12,758 કેસ જેટલું છે જે 2025માં વધીને 8,06,218 થવાની સંભાવના છે. મહિલામાં કુલ કેન્સરના 14.8% કેસ બ્રેસ્ટ કેન્સરના અને યોનિ માર્ગના કેન્સરના કેસ 5.4% જેટલા છે. 

કેન્સરની સારવારમાં છેલ્લા કેટલાક વર્ષોથી ધરખમ સુધારો થયો

કેન્સરની ટ્રીટમેન્ટ માટે દેશમાં સર્જરી, કિમોથેરાપી અને રેડિએશન મુખ્ય પદ્ધતિઓ છે. કેન્સરની સારવારમાં છેલ્લા કેટલાક વર્ષોથી ધરખમ સુધારો થયો છે. આ ઉપરાંત ટાર્ગેટેડ થેરાપી અને સચોટ નિદાન અને દવાઓને પગલે સારવારમાં સુધારો થયો છે. કેન્સરના આંકડાઓમાં વધારો એમ પણ સૂચવે છે કે દર્દીઓને Early Stageમાં જ કેન્સર પકડાઈ રહ્યું છે જેથી તેમના સાજા થવાના આંકડાઓ પણ સુધર્યા છે. જેમ કે પહેલા થોડા વર્ષ પહેલા ફેફસાના સ્ટેજ 4 કેન્સરમાં 5 વર્ષ જીવવું અશક્ય ગણાતું હતું જયારે હવે તે શક્ય બન્યું છે.