સુરતમાં CMની સુરક્ષામાં જોવા મળેલી ચૂક મામલે તંત્ર હરકતમાં આવ્યું છે. રિવોલ્વર લઇને પહોંચેલા MLAના ભાણેજની રિવોલ્વરનું લાયસન્સ રદ્દ કરવાની કાર્યવાહી હાથ ધરાઇ.
CMની સભામાં સુરક્ષામાં થયેલી ચૂક મામલે તંત્ર હરકતમાં
દેવાણીના રિવોલ્વરનું લાયસન્સ રદ્દ કરવાની કાર્યવાહી હાથ ધરાઈ
રમેશ દેવાણી MLA વી.ડી ઝાલાવાડીયાનો ભાણેજ હોવાનું ખુલ્યું
વડાપ્રધાન મોદીના 'હર ઘર તિરંગા અભિયાન' અંતર્ગત સુરતમાં યોજાયેલી તિરંગા યાત્રામાં CMની સુરક્ષામાં મોટી ચૂક થઈ હતી. આ યાત્રામાં રિવોલ્વર લઇને પહોંચેલ શખ્સ રમેશ દેવાણી કે જે MLA વી.ડી ઝાલાવાડીયાનો ભાણેજ હોવાનું ખુલ્યું છે.
રમેશ દેવાણી MLA વી.ડી ઝાલાવાડીયાનો ભાણેજ હોવાનું ખુલ્યું
સુરતમાં તિરંગા યાત્રા દરમ્યાન CMની સભામાં સુરક્ષા મામલે થયેલી ચૂક મામલે તંત્ર હરકતમાં આવ્યું છે. તમને જણાવી દઇએ કે, CMની હાજરીમાં યોજાયેલી તિરંગા યાત્રામાં રમેશ દેવાણી નામનો શખ્સ રિવોલ્વર સાથે પહોંચ્યો હતો. જેને લઇને મોટો ખુલાસો થયો છે. રમેશ દેવાણી કે જે MLA વી.ડી ઝાલાવાડીયાનો ભાણેજ હોવાનું સામે આવ્યું છે.
ઉલ્લેખનીય છે કે, સુરતના લાલભાઈ કોન્ટ્રાકટર સ્ટેડિયમ ખાતેના કાર્યક્રમમાં આ ઘટના ઘટી હતી. જોકે રિવોલ્વર સાથે પહોંચેલા રમેશ દેવાણીની રિવોલ્વર પર CMના સુરક્ષાકર્મીની નજર પડતા દેવાણીની અટકાયત કરાઇ હતી અને ઉમરા પોલીસ મથકમાં લઈ જઈને તેની પૂછપરછ હાથ ધરવામાં આવી હતી. જે દરમ્યાન તેની પાસે રિવોલ્વરનું લાયસન્સ હોવાનું સામે ખુલ્યું હતું.
રમેશ દેવાણીની રિવોલ્વરનું લાયસન્સ રદ કરવાની કાર્યવાહી હાથ ધરાઇ
જોકે લાયસન્સ હોવા છતાં પણ મુખ્યમંત્રીની સભામાં રિવોલ્વર લઈને પહોંચી જવા મામલે દેવાણીએ જણાવ્યું હતું કે, ફેક્ટરીથી સીધો કાર્યક્રમ સ્થળે પહોંચ્યો હોવાના કારણે પોતાની પાસે રિવોલ્વર રહી ગઈ હતી. ત્યારે મુખ્યમંત્રીની સભામાં આ રીતે જોવા મળેલી સુરક્ષા ચૂકને લઇને લાપરવાહી સામે આવતા તંત્ર હરકતમાં આવ્યું છે. આથી, રમેશ દેવાણીની રિવોલ્વરનું લાયસન્સ રદ કરવાની કાર્યવાહી હાથ ધરવામાં આવી છે. આ સાથે જ દેવાણીને પોલીસે નોટિસ પણ પાઠવી હતી. મહત્વનું છે કે, સુરતમાં 4 ઓગસ્ટના રોજ આ તિરંગા યાત્રા યોજાઈ હતી. જે દરમ્યાન મુખ્યમંત્રી સુરક્ષામાં આટલી મોટી ચૂક જોવા મળી હતી.