ગાંધીનગર / રદ્દ કરાયેલ વિદ્યુત સહાયકની પરીક્ષાને લઇ સરકારની મોટી જાહેરાત, આ ઉમેદવારો જ...

• વિદ્યુત સહાયકની ભરતી રદ્દ થવા મામલો
• સૌરભ પટેલેનું મોટું નિવેદન 
• ટૂંક સમયમાં નવા નિયમો સાથે ભરતી પ્રક્રિયા હાથ ધરાશે 

વિદ્યુત બોર્ડ દ્વારા ફરી એક વખત ભરતીની જાહેરાત કરવામાં આવી છે. બોર્ડ દ્વારા 850ની જગ્યાએ 1200 ભરતી જાહેર કરવામાં આવશે. એક હજાર ક્લાર્ક અને 200 ઈજનેરની ભરતીની બહાર પાડવામાં આવશે. 

કોણ ભરી શકશે ફોર્મ ?

ડિસેમ્બર મહિનાના અંતમાં ભરતીની જાહેરાત બહાર પડાશે. 10 ટકા અનામત મુજબ ભરતી બહાર પડાશે. આ ભરતીમાં સ્નાતકમાં 60 ટકા મેળવેલા ઉમેદવારો જ ફોર્મ ભરી શકશે. 

2018 માં બહાર પાડવામાં આવેલ ભરતીની પરીક્ષા કરાઇ રદ્દ

વિદ્યુત સહાયક અને જૂનિયર એન્જિનિયરના ભરતી ફોર્મ છેક જુલાઈ 2018માં ભરાઈ ગયા હતા. જેની હજી સધી પરીક્ષા જ નોહોતી લેવાઈ. પીજીવીસીએલ, ડીજીવીસીએલએ ભરતી રદ કરી છે. યુજીવીસીએલ અને એમજીવીસીએલએ પણ ભરતી રદ કરી છે. 

અગાઉ પણ થઈ ભરતી રદ કરવામાં આવી હતી. 

વિદ્યુત ખાતામાં આ ભરતી અગાઉ પણ રદ કરવામાં આવી હતી. જુલાઈ 2018 પહેલા આ જ પોસ્ટ માટે 2017માં ફોર્મ ભરાયા હતા  પણ ભરતી રદ થઇ હતી.

મેસેજ દ્વારા જાણ કરવામાં આવી

આ ભરતી રદ થતા જે ઉમેદવારોએ આ અંગે ફોર્મ ભર્યા હતા તેમને માત્ર એક મેસેજ કરીને ભરતી રદ થઈ હોવાની જાણ કરી દેવામાં આવતા ઉમેદવારોમાં વધુ આક્રોશ જોવા મળ્યો હતો. છેલ્લા દોઢ વર્ષથી જે પરીક્ષાની તૈયારીઓ કરી રહ્યા હતા તે હવે યોજાવાની જ નથી.  

વિદ્યાર્થીઓને પરત મળશે પરીક્ષા ફી 

ભરતી રદનાં મેસેજમાં તેવું પણ જણાવવામાં આવ્યું છે કે, પરીક્ષા ફોર્મ સમયે ભરવામાં આવેલી ફી રિફંડ મળશે. આ અંગેની વધુ માહિતી માટે તમારે www.dgvcl.com વેબસાઈટની મુલાકાત લેવાની રહેશે. થોડા જ સમયમાં આ અંગેની બીજી જાહેરાત પણ બહાર પાડવામાં આવશે.