બેકાબૂ / કેનેડાના ઓન્ટારિયોમાં ઈમરજન્સી કરાઈ જાહેર, ટ્રક ડ્રાઈવરોના વિરોધથી મોટાપાયે ધંધાકીય અસર થવાની આશંકા

• કેનેડાના ઑન્ટારિયો ઈમરજન્સી જાહેર
• ઘણા સમયથી ટ્રક ડ્રાઈવરો કરી રહ્યા છે વિરોધ

ટ્રક ડ્રાઈવરોના ભારે વિરોધ વચ્ચે કેનેડાના ઓન્ટારિયોમાં કટોકટીની સ્થિતિ જાહેર કરવામાં આવી છે. જેના કારણે દેશ સાથે અમેરિકાના મુખ્ય માર્ગો બંધ કરી દેવામાં આવ્યા છે. આ જાહેરાત બાદ બિઝનેસને મોટા પાયે અસર થવાની ધારણા છે. પ્રાંતના પ્રીમિયર ડગ ફોર્ડને ટાંકીને આ માહિતી જાહેર કરવામાં આવી છે.

સરકારના આદેશનું પાલન ન કરવા બદલ દંડ અને જેલ
એક પ્રેસ બ્રીફિંગમાં, ફોર્ડે જણાવ્યું હતું કે તે કેબિનેટની બેઠક બોલાવશે અને આદેશોનો તાત્કાલિક અમલ કરવા માટે કાનૂની સત્તાવાળાઓનો ઉપયોગ કરશે. આનાથી તે એકદમ સ્પષ્ટ થઈ જશે કે મહત્વપૂર્ણ ઈન્ફ્રાસ્ટ્રક્ચર સાથે માલસામાન, લોકો અને સેવાઓની અવરજવરને અવરોધિત કરવી અને વિક્ષેપ પાડવો એ ગેરકાયદેસર અને સજાપાત્ર છે. ફોર્ડે વિરોધીઓ સામે કાયદાકીય કાર્યવાહી કરવાની પણ વાત કરી છે. તેમણે કહ્યું છે કે સરકારના આદેશનું પાલન ન કરવા બદલ દંડ અને જેલની સજાની જોગવાઈ હશે.

Canada's Ontario declares state of emergency amid trucker protests that have blocked major border crossings with US, affecting trade: Reuters

— ANI (@ANI) February 11, 2022

શું છે વિવાદ?
થોડા સિવસ પહેલા હજારોની સંખ્યામાં ઓટાવામાં જમા થયેલા ટ્રકવાળાઓએ અમેરિકાની સરહદ પાર કરવા માટે કેનેડા સરકારે વેક્સિન ફરજિયાત બનાવી હતી, તેનો વિરોધ કરી રહ્યા છે. આ અગાઉ કેનેડાના પીએમે એક વિવાદીત નિવેદન આપતા ટ્રકવાળાને મહત્વ ન ધરાવતા અલ્પસંખ્યક કહી દીધા હતાં. તેનાથી પણ ટ્રકવાળા ખરાબ રીતે ભડકી ગયા હતા. હાલત એવી થઈ કે, રાજધાની ઓટાવા જજતાં રસ્તા પર 70 કિમી લાંબો જામ ખડકાઈ ગયો હતો. કેનેડાની રાજધાની ઓટાવામાં આવેલા પ્રધાનમંત્રી નિવાસ સ્થાનને 50 હજાર ટ્રક ચાલકોએ પોતાના 20 હજાર ટ્રક સાથે ચારેતરફથી ઘેરાવ કર્યો છે. હાલત એવી થઈ ગઈ છે કે, પ્રધાનમંત્રી જસ્ટિન ટ્રુડો અને તેનો પરિવાર ગુપ્ત સ્થાન પર છુપાવવા માટે ભાગવું પડ્યું હતું.