સ્માર્ટફોન યુઝ કરનારા દરેક લોકોની એક પ્રોબ્લેમ હોય છે કે ફોનની બેટરી લાંબો સમય સુધી નથી ચાલતી. આ કારણે તેમને દિવસમાં એકથી વધુ વખત ફોન ચાર્જ કરવો પડે છે. ક્યારેક તો જરૂર સમયે ફોન સ્વીચ ઓફ થઈ જવાના કારણે મુશ્કેલીનો સામનો કરવો પડે છે. જોકે એક એવી એપ્લિકેશન તૈયાર કરવામાં આવી છે જે તમારા સ્માર્ટફોનની બેટરી 1 કલાક સુધી વધારી દેશે.
જી હા ભારતીય વૈજ્ઞાનિક સહિત વૈજ્ઞાનિકોના સમૂહે એક એવા સ્માર્ટફોન એપને ડેવલર કરી જે ફોનની ઉર્જાની ખપત ઓછી થાય અને તેની બેટરીની લાઇફ 1 કલાક સુધી વધારી દે. આ એપને વૈજ્ઞાનિકોએ 200 સ્માર્ટફોન યૂઝર પર પ્રયોગ પછી ડેવલપ કરવામાં આવી.
શોધકર્તા અનુસાર 200 વિદ્યાર્થીઓએ આ એપને ડાઉનલોડ કર્યા પછી પોતાના ફોન પર ઘણી સારી વિન્ડો એક સાથે ઑપન કરી જેમાં જોવા મળ્યુ કે એપની ઉર્જા બચવાની સાથે આ ટેક્નિકનો પ્રયોગ કરવાથી બેટરીની લાઇફ 10-25% વધી ગઇ.
બેલ્જિયમમાં આવેલી વોટરલૂ યુનિવર્સિટીના રિસર્ચરોએ મલ્ટીડ્રોઈડ નામથી એક એવી એપ્લિકેશન તૈયાર કરી છે જે ફોનના પરફોર્મેન્સ પર કોઈપણ અસર પાડ્યા વિના સ્માર્ટફોનમાં બેટરીના ઉપયોગનો ઓછો કરે છે. તે નોન ક્રિટિકલ એપ્લિકેશનની બ્રાઈટનેસને ઓછી કરે છે આથી સ્માર્ટફોનની બેટરીનો વધુ પડતો ઉપયોગ થતા અટકે છે.
રિસર્ચના સહ-સંશોધક ક્ષિરાસાગર નાયકએ કહ્યું કે તમે રાત્રે ફોન ચાર્જિંગમાં મૂકીને સવારે 100 ટકા બેટરી થાય ત્યારે લઈને બહાર નીકળો છો. પરતુ ઘણીબધી એપ્સ ફોનના બેકગ્રાઉન્ડમાં ચાલી રહી હોય છે. જેના કારણે બેટરી ઉતરે છે. બપોર સુધીમાં તમારા ફોનની બેટરી 100% માંથી ઘટીને 30% એ પહોંચી જાય છે.
આવા સમયે તમારે ફોનને દિવસમાં ઘણીવાર ચાર્જ કરવો પડે છે. અને એક વપરાશ કર્તા માટે આ માથાનો દુખાવા સમાન છે. નાઈકે સમજાવ્યું કે એન્ડ્રોઈડ 7 નોગટમાં બિલ્ટ ઈન મલ્ટી વિન્ડો ટૂલ હોવાના કારણે એવરેજ કરતા વધારે એનર્જીનો ઉપયોગ થાય છે. આ મલ્ટી વિન્ડો ટૂલના કારણે યુઝર સરળતાથી એક એપમાંથી બીજી એપમાં જઈ શકે છે. આ સમયે જરૂર કરતા વધારે એનર્જીનો ઉપયોગ થાય છે.