Coronavirus / આ દેશના પ્રધાનમંત્રી પત્નીથી અલગ રહેવા બન્યાં મજબૂર, પત્ની કોરોનાની ઝપટમાં

• કેનેડાના PMની પત્ની સોફીને પણ થયો કોરોના 
• સોફી થોડા દિવસ અગાઉ જ બ્રિટનથી પરત ફરી હતી
• કેનેડામાં કોરોનાના 142 કેસ નોંધાયા, 1 વ્યક્તિનું મોત

કેનેડિયન PM જસ્ટિન ટ્રુડોની પત્ની સોફીને પણ કોરોના વાયરસ હોવાની પુષ્ટિ થઈ છે. મળતી માહિતી અનુસાર પીએમ ટ્રુડોની પત્નીનો નમૂના થોડા દિવસો પહેલા તપાસ માટે મોકલવામાં આવ્યો હતો અને હવે તે સકારાત્મક આવ્યો છે.

Canadian media: Canadian Prime Minister Justin Trudeau’s wife has been tested positive for Coronavirus. pic.twitter.com/O3ZlJRswTy

— ANI (@ANI) March 13, 2020

બ્રિટનથી આવ્યા હતા સોફી

ગુરુવારે સોફી ટ્રુડોને ફલૂના લક્ષણો દર્શાવ્યા પછી તેમનું સેમ્પલ પરીક્ષણ માટે મોકલવામાં આવ્યું હતું. સોફી ગુરુવારે યુકેથી એક પ્રોગ્રામમાંથી પરત આવ્યા હતા. ત્યારબાદ તેણે ફ્લૂ જેવા લક્ષણો જોવા મળ્યા હતા. તેણે તાવની ફરિયાદ તેના ડોકટરોને કરી હતી, જે પછી ડોકટરોએ તેની તપાસ અને પરીક્ષણ માટે નમૂના લીધા હતા.

PM જસ્ટિન ટ્રુડો પત્નીથી અલગ રહેતા

પત્ની સોફીમાં કોરોનાના લક્ષણો મળતાં પીએમ જસ્ટિન ટ્રુડો તેમનાથી અલગ રહેતા હતા. જસ્ટિન ટ્રુડો દરેક મીટિંગ ઘરેથી જ કરી રહ્યા છે. 

PM જસ્ટિન ટ્રુડો હાલમાં સ્વસ્થ

PM જસ્ટિન ટ્રુડો હાલમાં સ્વસ્થ છે. તેઓએ પોતાનું કામકાજ ચાલુ રાખ્યું છે. આજે તેઓ એક સંબોધન પણ કરશે. તેમનામાં કોરોનાના કોઈ લક્ષણો જોવા મળ્યા નથી એવું એક રિપોર્ટમાં કહેવાયું છે. પરંતુ સાવધાનીને ધ્યાનમાં રાખીને તેઓ 14 દિવસ સુધી આઈસોલેશનમાં રહેશે.