NRI ન્યૂઝ / કેનેડા પર આવી પડ્યું મોટું ધર્મ સંકટ! જસ્ટિન ટ્રુડોની ખુરશી ખતરામાં, જુઓ કઈ રીતે

કેનેડાના વડાપ્રધાન જસ્ટિન ટ્રુડોનું પદ ખતરામાં આવી ગયું છે. કેનેડાની સરકાર જોખમમાં છે અને જસ્ટિન ટ્રુડો ગમે ત્યારે સત્તા પરથી બેદખલ થઈ શકે છે. જસ્ટિન ટ્રુડોને ત્યારે મોટો ફટકો લાગ્યો જ્યારે જગમીત સિંહની ન્યૂ ડેમોક્રેટિક પાર્ટી (NDP) એ સપ્લાય એન્ડ કોન્ફિડન્સ ડીલ ખતમ કરી દીધી. જગમીત સિંહની NDP જસ્ટિન ટ્રુડોની લઘુમતી લિબરલ સરકારને સત્તામાં રાખવામાં મદદ કરી રહી હતી. સાથી પક્ષે તેનો ટેકો પાછો ખેંચી લીધા પછી જસ્ટિન ટ્રુડોની પાર્ટી લઘુમતીમાં આવી ગઈ છે. જો કે, આનો અર્થ એ નથી કે ટ્રુડોએ તરત જ પદ છોડવું પડશે અને નવેસરથી ચૂંટણી કરાવવાનું જોખમ છે. પરંતુ સરકાર પડવાનું જોખમ છે.

બુધવારે પાર્ટી એનડીપીના વડા જગમીત સિંહે ટ્રુડોની લિબરલ પાર્ટી સાથેની તેની ડીલ ખતમ કરી દીધી. બંને પક્ષો 2022 થી ગઠબંધનમાં હતા. સિંહે અચાનક સમર્થન પાછું ખેંચવાથી ટ્રુડોની હાલત ખરાબ થઈ ગઈ છે. જો કે, ટ્રુડોએ વિશ્વાસ વ્યક્ત કર્યો છે કે તેઓ કોઈપણ સંજોગોમાં તેમની સરકારને પડવા દેશે નહીં. જસ્ટિન ટ્રુડોએ હવે હાઉસ ઓફ કોમન્સ ચેમ્બરમાં અન્ય વિપક્ષી સાંસદોનું સમર્થન મેળવવું પડશે. તો જ તેઓ બજેટ પાસ કરી શકશે અને વિશ્વાસ મત જીતી શકશે. કેનેડાના નિયમો અનુસાર ઓક્ટોબર 2025ના અંત સુધીમાં ચૂંટણી યોજાવાની છે.

હવે શું કરશે ટ્રુડો?

ટ્રુડોએ પત્રકારોને કહ્યું, 'હું કેનેડિયન લોકો પર ધ્યાન કેન્દ્રિત કરી રહ્યો છું. હું અન્ય પક્ષોને રાજકારણ પર ધ્યાન કેન્દ્રિત કરવા દઈશ. 2025 માં જ ચૂંટણી થશે, હું આશા રાખું છું કે આગલી શરદ ઋતુ સુધી નહીં, કારણ કે તે દરમિયાન, અમે કેનેડિયનો માટે કામ કરવા જઈ રહ્યા છીએ. મને ખરેખર આશા છે કે એનડીપી રાજકારણ પર ધ્યાન કેન્દ્રિત કરવાને બદલે એ વાત પર ધ્યાન કેન્દ્રિત કરશે કે અમે કેનેડિયનો માટે કેવી રીતે કામ કરી શકીએ છીએ, જેવું અમે પાછલા વર્ષોમાં કર્યું છે."

એક અહેવાલ મુજબ, ન્યૂફાઉન્ડલેન્ડ પ્રાંતના પ્રવાસ દરમિયાન એક પ્રેસ કોન્ફરન્સમાં જસ્ટિન ટ્રુડોએ નેશનલ ડેન્ટલ પ્રોગ્રામ સહિત લિબરલ-એનડીપી ગઠબંધનની ઉપલબ્ધિઓની યાદી આપી. 2022ની ડીલ હેઠળ, NDP વધુ સામાજિક કાર્યોના બદલામાં 2025ના મધ્ય સુધી જસ્ટિન ટ્રુડોને સત્તામાં રાખવા સંમત થયા હતા. NDPના સમર્થન પાછું ખેંચતા પહેલા ટ્રુડોની પાર્ટીએ કહ્યું કે જો તેમની પોતાની નબળાઈ અને હતાશાએ તેમને એક પ્રગતિશીલ ડીલથી દૂર જવા માટે મજબૂર કર્યા જે કેનેડિયનો માટે કામ કરી રહી છે, તો આ શરમજનક વાત હશે.

આ પણ વાંચો: આ પાકિસ્તાની ક્રિકેટરની પત્ની છે હરિયાણાની, સ્ટાઈલ જોઈને ભલભલાના હોશ ઉડી જશે

જો હવે ચૂંટણી થશે તો ટ્રુડો હારી જશે

નોંધનીય છે કે 52 વર્ષીય ટ્રુડોએ નવેમ્બર 2015માં પ્રથમ વખત પીએમ પદ સંભાળ્યું હતું. પરંતુ છેલ્લા બે વર્ષમાં વિપક્ષ ઉપરાંત તેમને જનતાની ઉદાસીનતાનો પણ સામનો કરવો પડ્યો છે. રાજકારણીઓ અને જનતા તાજેતરના ફુગાવા અને હાઉસિંગ કટોકટી માટે ટ્રુડો સરકારને દોષી ઠેરવે છે. હાલમાં જ જાહેર થયેલા સર્વેક્ષણો દર્શાવે છે કે જો કેનેડામાં હવે ચૂંટણી યોજાશે તો ટ્રુડોની લિબરલ પાર્ટી ખરાબ રીતે હારી જશે. વર્ષ 2022માં લિબરલ પાર્ટી અને જગમીત સિંહની NDP વચ્ચે 2025 સુધી સાથે રહેવાની સમજૂતી થઈ હતી, પરંતુ સર્વેના પરિણામો અને ટ્રુડો સરકાર પ્રત્યે લોકોના ગુસ્સાને ધ્યાનમાં લઈને NDPએ પોતાનું સમર્થન પાછું ખેંચી લીધું.

બધા જ સમાચાર અને અપડેટ્સ મેળવવા માટે પ્લેસ્ટોર/એપ સ્ટોર પર જઇને અથવા આ લાઇન પર ક્લિક કરીને ડાઉનલોડ કરો અમારી લેટેસ્ટ એપ