ખતરો / આપણે ત્રીજી લહેરની માત્ર વાતોથી ફફડી રહ્યા છીએ ત્યાં આ દેશમાં ચોથી લહેરે વધારી ચિંતા, હડકંપ મચ્યો

• અહીં કોરોનાની ચોથી લહેરની આશંકાથી મચ્યો હડકંપ
• કેનેડાની મુખ્ય સ્વાસ્થ્ય સચિવે આપી જાણકારી
• કોરોનાનો ડેલ્ટા વેરિઅન્ટ લાવી શકે છે ચોથી લહેર

  
કેનેડામાં કોરોનાની ચોથી લહેરનો ખતરો મંડરાઈ રહ્યો છે. દેશની મુખ્ય સાર્વજનિક સ્વાસ્થ્ય અધિકારી ડો. થેરેસા ટૈમે કહ્યું કે ગરમીના અંતમાં મહામારીની ચોથી લહેર આવી શકે છે. તેની પાછળ ડેલ્ટા વેરિઅન્ટ જવાબદાર છે. ટૈમે કહ્યું કે આ સિવાય આવું થવાનું કારણ પ્રતિબંધોને હટાવવાનું અને પૂરતા પ્રમાણમાં વેક્સિન ન થવું હોઈ શકે છે.

શું કહ્યું સ્વાસ્થ્ય અધિકારીએ
તેઓએ કહ્યું કે મજબૂત વેક્સિનેશન દરે હોસ્પિટલમાં એડમિટ દર્દીની સંખ્યા અને મોતના દરને ઘટાડવામાં મદદ કરી છે. પરંતુ હોસ્પિટલમાં અને સ્વાસ્થ્ય દેખરેખની સેવાઓને ફરીથી બદલવાની જરૂર છે. આ સાથે વેક્સિનેશનમાં પણ વધારો કરવો જોઈએ.  તેઓએ કહ્યું છે કે શક્ય તેટલું ઝડપથી યુવાઓ વેક્સિન લગાવે તે જરૂરી છે. આ ઉંમરના લોકો વેક્સિનેશનના કેસમાં દેશ પાછળ છે. ટૈમે કહ્યું કે કેનેડાના 63 લાખ લોકોને વેક્સિનનો પહેલો અને 50 લાખને બીજો ડોઝ મળ્યો નથી.

કેનેડામાં ઘટી રહ્યા છે કોરોનાના કેસ
ટૈમે કહ્યું કે ત્રીજી લહેરના ચરમ બાદથી વર્તમાનમાં કોરોનાની સંખ્યામાં 93 ટકાનો ઘટાડો થયો છે. છેલ્લા 7 દિવસમાં લગભગ 640 નવા કેસ આવ્યા છે. સાર્વજનિક સ્વાસ્થ્ય અધિકારી હૉવર્ડ ન્જૂએ કહ્યું કે કેનેડાની મજબૂત વેક્સિનેશનનો દરનો અર્થ છે કે સંક્રમણમાં થતા મોત અને હોસ્પિટલમાં એડમિટ થતા દર્દીની સંખ્યા ઘટે. તેઓએ ચેતવણી આપી કે વેક્સિન લગાવેલા લાખો લોકો ખતરામાં છે.