કેનેડામાં ઓન્ટારિયોની ભારતીય રેસ્ટોરાંમાં બ્લાસ્ટ 15 લોકો ઘાયલ

ટોરન્ટો: કેનેડામાં એક ભારતીય રેસ્ટોરાંમાં બ્લાસ્ટ થયો છે. મીડિયા રિપોર્ટ્સમાં જણાવવામાં આવ્યું છે કે ટોરન્ટો શહેરના ઉપનગરીય વિસ્તાર મિસીસોગાની બોમ્બે ભેળ રેસ્ટોરાંમાં ગુરુવારે આ બ્લાસ્ટ થયો. આ બ્લાસ્ટમાં 15 લોકો ઘાયલ થયા હોવાની માહિતી મળી છે. તેઓને સારવાર માટે હોસ્પિટલ ખસેડવામાં આવ્યા છે. જેમાંથી 3 લોકોની હાલત ગંભીર છે. 

સ્થાનીક મીડિયા રિપોર્ટ્સ અનુસાર બ્લાસ્ટ સ્થાનિક સમયાનુસાર રાતે આશરે 10:30 વાગ્યે થયો. બ્લાસ્ટ થવાનું કારણ જાણી શકાયું નથી. આ બ્લાસ્ટ એવા સમયે થયો જ્યારે એક મહિના પહેલા જ ટોરન્ટોમાં એક ડ્રાઇવરે પોતાની વેન ટોળા પર ચઢાવી દીધી હતી. એમાં 10 લોકોના મોત થયા હતા અને 15 લોકો ઘાયલ થયા હતા. 

@Peel_Paramedics have transported 15 pts. from The Bombay Bhel restaurant in Mississauga. 3 pts. were taken to trauma centres with critical blast injuries. pic.twitter.com/Qhd9mX2wV7

— Peel Paramedics (@Peel_Paramedics) May 25 2018

જો કે હાલમાં આતંકી કનેક્શન સામે આવ્યું નથી. તપાસ કરવામાં આવી રહી છે કે આ બ્લાસ્ટ કઇ રીતે થયો.