લોકડાઉન દરમિયાન પ્રવાસી મજૂરોની મદદ કરીને મસીહા બની ગયેલો સોનુ સૂદ હજી પણ લોકોની મદદ કરી રહ્યો છે. સોનુ દેશમાં જ નહીં પરંતુ વિદેશમાં ફસાયેલા લોકોની પણ મદદ કરી રહ્યો છે. તેના આ નેક કામની સમગ્ર દેશમાં વાહવાહી થઈ રહી છે.
મદદ માટે રોજ સોનુને કેટલા લોકો સંપર્ક કરે છે, તેની વિગતો એક્ટરે સોશિયલ મીડિયા પર શેર કરી છે. આ આંકડા જાણીને તમે દંગ રહી જશો.
Today’s HELP messages.
On an average these are the number of requests I get for HELP. It is humanly impossible to reach out to everyone. I still try my best.
Apologies if I missed your message🙏
સોનુએ લખ્યું- 1137 મેલ, 19000 ફેસબુક મેસેજ, 4812 ઈન્ટા મેસેજ અને 6741 ટ્વિટર મેસેજ. આ આજના હેલ્પ મેસેજિસ છે. એવરેજ આંકડાની વાત કરીએ તો મને લગભગ રોજ આટલી રિક્વેસ્ટ મળે છે. એક માણસ હોવાથી મારા માટે આટલા લોકો સુધી પહોંચવું અસંભવ છે. પરંતુ તેમ છતાં હું મારો બનતો પ્રયાસ કરું છું.
ટૂંક સમયમાં સોનુ સૂદની બુક આવશે
સોનુએ તેના મેસેજમાં લખ્યું- જો તમારામાંથી કોઈનો મેસેજ જોવાનો રહી ગયો હોય તો મને માફ કરજો. તમને જણાવી દઈએ કે, સોનુ સૂદે લોકડાઉન દરમિયાન અનેક પ્રવાસી મજૂરોને તેમના વતન પહોંચાડવામાં મદદ કરી હતી. જેના પર તે લખી રહ્યો છે જે જલ્દી બજારમાં ઉપલબ્ધ પણ થશે.