લાંબા સમય સુધી કામ કરવાથી હાર્ટ એટેક અને સ્ટ્રોકનું જોખમ ખૂબ જ વધી જાય છે.
સૌથી વધારે પુરુષો પર પડે છે કામના લોડની અસર
લોંગ વર્કિંગ અવર્સ વધારે છે મેન્ટલ સ્ટ્રેસનું પ્રમાણ
લોંગ વર્કિંગ અવર્સ છે હાર્ટ અટેકનું મુખ્ય લક્ષણ
વર્લ્ડ હેલ્થ ઓર્ગનાઈઝેશન (WHO)ના એક રિપોર્ટ અનુસાર, લોંગ વર્કિંગ અવર્સ એટલે કે લાંબા સમય સુધી કામ કરવાથી હાર્ટ એટેક અને સ્ટ્રોકનું જોખમ ખૂબ જ વધી જાય છે. તેના કારણે વિશ્વમાં ઘણા લોકો મૃત્યુ પામે છે. WHO અને ILOની સ્ટડી મુજબ, વર્ષ 2016માં લાંબા સમય સુધી કામ કરવાના કારણે સ્ટ્રોક અને હાર્ટ અટેકના રોગથી 7,45,000 લોકોએ પોતાનો જીવ ગુમાવ્યો હતો. આ આંકડામાંથી 29 ટકા વૃદ્ધ લોકો હતા. WHOએ આ રિપોર્ટ ગત વર્ષે જાહેર કર્યો હતો.
કામના લોડની અસર સૌથી વધારે પુરુષો પર પડે છે
ગત વર્ષથી કોરોના મહામારીને ધ્યાનમાં રાખી ઘણા લોકો વર્ક ફ્રોમ હોમ કરી રહ્યા છે. ઘરેથી કામ કરવાના કારણે લોકોના સ્ક્રીન વર્કનો સમય વધી ગયો છે. WHO અને ILOના રિપોર્ટ અનુસાર, કામના લોડની અસર સૌથી વધારે પુરુષો પર પડે છે. રિપોર્ટ મુજબ, 45થી 74વર્ષની આયુના વચ્ચે દર અઠવાળીએ 55 કલાક અથવા તેનાથી વધુ સમય સુધી કામ કરનાર પુરુષોમાં મૃત્યુઆંક 72 ટકા હતું.
લોંગ વર્કિંગ અવર્સ કરે છે શરીર પર ખરાબ અસર
ડોક્ટર્સ પણ કામના કારણે થતા મેન્ટલ સ્ટ્રેસ અને હાર્ટ અટેકનો દાવો કરે છે. મેડિકવર હોસ્પિટલ્સ હૈદરાબાદના કાર્ડિયક ઇલેક્ટ્રોફિઝિયોલૉજિસ્ટ ડૉ. કુમાર નારાયણે જણાવ્યું છે કે, "આજકાલ, માત્ર કામ કરવાનો સમય જ લાંબો થતો નથી, પરંતુ કામના ટેન્શનમાં પણ વધારો થઈ રહ્યો છે. તેમણે વધુમાં જણાવ્યું કે, 'અતિશય કામ કારવાનો સમય શરીર પર ખરાબ અસર કરે છે. તેના કારણે, ખાવાની પણ ખરાબ ટેવો ઉભી થાય છે. આ સાથે ધૂમ્રપાન, ઊંઘનો અભાવ અને આળસ જેવી સમસ્યાઓ ઊભી થાય છે.
લોંગ વર્કિંગ અવર્સ વધારે છે મેન્ટલ સ્ટ્રેસનું પ્રમાણ
લોંગ વર્કિંગ અવર્સની અસરના કારણે ઘણી માનસિક સમસ્યાઓ પણ ઉત્પન થાય છે. મેન્ટલ સ્ટ્રેસના કારણે ઘણા લોકો ડિપ્રેશનનો શિકાર બની રહ્યા છે. મોહાલીની ફોર્ટિસ હોસ્પિટલના કાર્ડિયોલોજીના ડિરેક્ટર અને HOD ડૉ. આર કે જસવાલે જણાવ્યું છે કે, “નોકરીની અનિશ્ચિતતા અને લોંગ વર્કિંગ અવર્સ લોકોના મગજમાં મેન્ટલ સ્ટ્રેસનું પ્રમાણ વધારે છે. સમય સાથે વર્કિંગ અવર્સ સતત વધી જવાથી હાર્ટ અટેકની આશંકા વધી જાય છે. ખાસ કરીને તે લોકોમાં જે સ્મોક અને એક્સરસાઇઝ કરતા નથી.
લોંગ વર્કિંગ અવર્સ છે હાર્ટ અટેકનું મુખ્ય લક્ષણ
ચેન્નાઇમાં કાર્ડિયક ઇલેક્ટ્રોફિઝિયોલોજી વિભાગના વડા ડૉ.ઉલ્હાસ એમ પાંડુરંગીનું કહેવું છે કે,'મેન્ટલ સ્ટ્રેસ હૃદય પર ખૂબ જ ખબર અસર કરે છે. તે સ્પષ્ટ છે કે લાંબા સમય સુધી કામ કરવું એ હાર્ટ અટેકના મુખ્ય કારણોમાંનું એક છે'.