વૈજ્ઞાનિકોનું કહેવું છે કે 2 માસ્ક પહેરવાથી કોરોનાની વિરોધમાં સુરક્ષાને બમણી કરી શકાય છે. આ ખુલાસો જામા ઈન્ટરનલ મેડિસિનમાં પ્રકાશિત રિસર્ચમાં થયો છે.
શું ડબલ માસ્ક પહેરવાથી થશે ફાયદો
જાણો શું છે વિશેષજ્ઞોનું મંતવ્ય
2 માસ્ક પહેરવાથી કોરોનાની સુરક્ષાને બમણી કરી શકાય
કોરોના વાયરસ રોજ નવું અને ખતરનાક રૂપ સામે લાવી રહ્યો છે. દુનિયામાં કોરોના વાયરસનો કહેર પણ યથાવત છે. વિશ્વ સ્વાસ્થ્ય સંગઠનના આધારે 16 એપ્રિલે કોરોના વાયરસના 804,807 કેસ હતા. શનિવારે સૌથી વધારે ભારતમા એક દિવસમાં 234692 કેસ આવ્યા હતા. એક ખાસ બેઠકમાં ડબલ્યૂએચઓના પ્રમુખે ચેતવ્યા હતા કે કોરોના સંક્રમણ સૌથી ઉંચા દરે પહોચશે.
શું 2 માસ્ક પહેરવાથી કોરોનાની સુરક્ષાને બમણી કરી શકાય
કોરોનાને લઈને અચાનક ઝડપથી વધી રહેલા કેસને લઈને નવા વેરિઅન્ટ્સ, સમય અને પૂર્વ સ્વાસ્થ્ય સેવાઓમાં ઢીલ જેવા મુદ્દાઓ જવાબદાર રહ્યા છે. કોરોનાને તાબૂમાં કરવા માટે વ્યક્તિગત સાવધાની જેમકે શારીરિક દૂરી, માસ્ક, હાથની સ્વચ્છતા અને વેન્ટિલેશનના પાલનની અપીલ કરવામાં આવી છે. વૈજ્ઞાનિકોનું કહેવું છે કે 2 માસ્ક પહેરવાથી કોરોના વાયરસની વિરોધમાં સુરક્ષાને બમણી કરી શકાય છે. આ ખુલાસો જામા ઈન્ટરનલ મેડિસીનમાં પ્રકાશિત એક રિસર્ચમાં થયો છે.
સુરક્ષા માટે 2 માસ્ક છે જરૂરી
રિસર્ચમાં જાણવા મળ્યું છે કે 2 ફેસ કવર પહેરવાથી કોરોના વાયરસના આકાર જેવા અણુઓને રોકવાનો પ્રભાવ બમણો થઈ જાય છે. અમેરિકા સ્થિત સેન્ટર ફોર ડિસિઝ કંટ્રોલ એન્ડ પ્રિવેન્શનનું પણ આવું જ કહેવું છે. તેમનું સૂચન છે કે કોરોનાથી સારી સુરક્ષા માટે લોકોએ માટે એક નહીં પણ 2 માસ્ક પહેરવા જોઈએ.
સર્જિકલ માસ્કી ઉપર પહેરો કપડાનું માસ્ક
સંક્રામક રોગ વિશેષજ્ઞ ડોક્ટર એન્થની ફાઉચીએ કહ્યું છે કે કોરોના વાયરસ નાક અને મોઢાની મદદથી શરીરમાં દાખલ થાય છે. આ કારણે નાક અને મોઢાને સારી રીતે ઢાંકવું જરૂરી છે. વાયરસની વિરોધમાં સુરક્ષા ખૂબ જ જરૂરી બની છે. સીડીસીના સૂચનમાં પણ 2 લેયરના માસ્ક પહેરવાનું સૂચન છે. ડબલ લેયર માસ્ક શ્વાસની સાથે બહાર નીકળતા ડ્રોપલેટ્સ કે નાના કણને હવામાં ફેલાતા રોકે છે. ખાસ કરીને લાંબા સમય સુધી હવાઈ યાત્રા સમયે કોરોનાથી સંક્રમણનો ખતરો પણ વધારે રહે છે.
આવી સ્થિતિમાં ડબલ લેયર માસ્ક છે અતિ જરૂરી
આ સ્થિતિમાં ડબલ લેયર માસ્ક પહેરવાનું મહત્વનું માનવામાં આવે છે. શોધકર્તાએ દલીલ કરી છે કે જ્યાં સોશ્યલ ડિસ્ટન્સિંગનું પાલન કરવું મુશ્કેલ છે ત્યાં સર્જિકલ માસ્કની ઉપર કપડાના માસ્કને પહેરવું જરૂરી છે. તેઓએ કેટલાક ઉપાય આપ્યા છે. જેમકે માસ્કને સારી રીતે ફિટ થાય તે રીતે પહેરવામાં આવે. ઢીલા માસ્ક પહેરવાથી કોરોનાના પ્રસારને રોકવામાં મદદ મળતી નથી. કપડાના માસ્ક પહેરતી સમયે પણ 2 લેયરને ધ્યાનમાં રાખો તે જરૂરી છે.