'ડ્રાય એટીએમ' વિરૂદ્ધ RBIએ મોટુ એલાન કર્યું છે. દેશના કેન્દ્રીય બેન્કે કહ્યું છે કે જે બેન્કનું એટીએમ વગર પૈસાનું હશે તે બેન્ક વિરૂદ્ધ 10,000 રૂપિયાનો દંડ ફટકારવામાં આવશે. આવી સ્થિતિમાં ગ્રાહક રિઝર્વ બેન્કના ટ્વિટર અથવા ફેસબૂક પેજ અથવા ફોન નંબર 01123711333 પર ફોન કરી શકો છો.
બેન્કે આ ઉપરાંત વ્હાઈટ લેબલ એટીએમ ઓપરેશન માટે પણ રિઝર્વ બેન્કના નિયમ જાહેર કર્યા છે. WLAO કંપનીઓ દ્વારા અલગ અલગ બેન્કોના ATMમાં પૈસા નાખવામાં આવે છે. રિઝર્વ બેન્કે જણાવ્યું કે બેન્કો એ વાતનું ધ્યાન રાખો કે એટીએમમાં પૈસા ખતમ ન થઈ જાય. જે બેન્ક આ નિયમોનું પાલન ન કરે તેના પર દંડ ફટકારવામાં આવશે. આ દંડ 10,000 રૂપિયા સુધીનો હશે. આ નિયમ 1 ઓક્ટોબરથી લાગુ કરવામાં આવશે.
રિઝર્વ બેન્કનો આદેશ
રિઝર્વ બેન્કે જણાવ્યું કે બેન્કને દરેક પરિસ્થિતિમાં સુનિશ્ચિત કરવાનું રહેશે કે એટીએમમાં બરાબર પૈસા રહે. તેના માટે બેન્કો અને ડબ્લ્યુએલએઓને હંમેશા દેખરેખ રાખવાની રહેશે. એટીએમ પર હંમેશા દેખરેખ રાખવાની રહેશે કે તેમાં કેશ ખતમ ન થઈ જાય. તેના માટે બેન્ક અને WLAO એક મેકેનિઝમ પણ બનાવી શકે છે. કેશ ખતમ થવા પર ગ્રાહકને અસુવિધા ન પડે તે માટે ઓછામાં ઓછી કેશ તેમાં રાખવી પડશે.
દંડ ત્યારે જ લગાવવામાં આવશે જ્યારે કોઈ ગ્રાહક પૈસા ઉપાડવા જાય અને પૈસા ન હોય અને તેને કેશ ન મળે. આવી સ્થિતિમાં કસ્ટમર રિઝર્વ બેન્કમાં સીધી ફરિયાદ કરી શકે છે. નિયમો અનુસાર જો એટીએમમાં પૈસા ન હોય તો તે બેન્ક પર દંડ ફટકારવામાં આવશે.
વ્હાઈટ લેબલ એટીએમ ઓપરેશનના મામલામાં પણ બેન્ક પર દંડ લાગશે અને બેન્ક બાદમાં WLAO પાસે ભરપાઈ કરી શકશે. નિયમોમાં નક્કી કરવામાં આવ્યું છે કે એક મહિનામાં આવા એટીએમમાં 10 કલાકથી વધારે કેશની કમી ન હોવી જોઈએ. જો આ સમય તેનાથી વધારે છે તો બેન્કને 10,000 રૂપિયાનો દંડ ભરવો પડશે. WLAOના કેશમાં પણ બેન્ક પર દંડ લાગશે. બેન્કે નક્કી કરવાનું રહેશે કે તે WLAO પાસે કેટલો અને ક્યારે દંડ વસુલે છે.
શું છે નિયમ?
RBIના રીઝનલ ઓફિસના ઈશ્યુ ડિપાર્ટમેન્ટની તરફથી બેન્ક પર દંડ લગાવવામાં આવશે. તેના માટે કંપીટેન્ટ ઓથોરિટીના રૂપમાં રીઝનલ ઓફિસના ઈશ્યુ ડિપાર્ટમેન્ટના ઓફિસર ઈનચાર્ડને અધિકૃત કરવામાં આવ્યું છે. આ કે કોઈ બીજી બેન્કને WLAOને દંડ વિરૂદ્ધ અપીલ કરવી છે તો રીઝનલ ઓફિસના રીઝનલ ડાયરેક્ટર અથવા ઓફિસર ઈનચાર્જને સંપર્ક કરવાનું રહેશે. તેના માટે એક મહિનાનો સમયહાળો નિશ્ચિત કરવામાં આવ્યો છે જે સમય દરમિયાન અપીલ દાખલ કરવાની રહેશે.