IPL 2022 / ધોનીનો જીગરી યાર IPL 2022 દરમિયાન કરી શકે છે સન્યાસની ઘોષણા, CSK સાથે જૂનો સંબંધ

• સુરેશ રૈના ક્રિકેટથી લઇ શકે છે સન્યાસ 
• તેમની ઇન્ટરનેશનલ કરિયર રહી છે શાનદાર 
• IPL 2022માં CSKનો હિસ્સો નથી રૈના 

IPL 2022ની 6 મેચ રમાઈ ચુકી છે. લગભગ બધી ટીમ પોતપોતાની પહેલી મેચ રમી ચુકી છે. IPLનો ઉત્સાહ ધીરે ધીરે વધી રહ્યો છે. આ સીઝન પ્લેયર્સ માટે ઘણી ખાસ રહેશે, કેમકે આ વર્ષે પ્લેયર્સ પાસે ભારતમાં સારા પ્રદર્શનનો મોકો છે. જે ખેલાડીઓનું પ્રદર્શન 15મી સીઝનમાં સારું રહેશે, તેમની માટે ટીમ ઇન્ડિયાનાં દરવાજા પણ ખુલી શકે છે. 

ધોનીનો જીગરી યાર લેશે સન્યાસ?
ચેન્નાઈ સુપર કિંગ્સનાં જૂના ખેલાડી સુરેશ રૈનાની CSKનાં પૂર્વ કપ્તાન ધોની સાથે સારી દોસ્તી છે. સોશિયલ મીડિયા પર આ વાત કોઇથી છુપી નથી કે આ ખેલાડીઓ વચ્ચે ખાસ સંબંધ છે. રૈના અને ધોનીએ ટીમ ઇન્ડિયા માટે એકસાથે ક્રિકેટ રમ્યું છે અને ચેન્નાઈ ટીમને શિખરો સર કરાવવામાં આ બંને ખેલાડીઓએ મુખ્ય ભૂમિકા નિભાવી છે. પહેલી વાર એવું બની રહ્યું છે કે મિસ્ટર IPLનાં નામથી ફેમસ સુરેશ રૈનાને CSK ટીમે રીટેન ન કર્યા કે ન મેગા ઓક્શનમાં ખરીદવાની કોશિશ કરી. 

IPL 2020માં રૈના અને ફ્રેન્ચાઈસી વચ્ચે અણબનાવનાં સમાચારો સામે આવી રહ્યા હતા. જ્યાર બાદથી તેમની વચ્ચે સંબંધો સારા રહ્યા નથી. રૈના IPL 2020ની સીઝન વચ્ચે છોડીને પાછા ફરી ગયા હતા. IPL 2022માં રૈના અનસોલ્ડ રહ્યા. જ્યાર બાદથી તેમને મેચમાં કોમેન્ટ્રી કરતા જોઈ શકાય છે. મોટો સવાલ એ છે કે શું રૈના IPL 2022 દરમિયાન સન્યાસની ઘોષણા કરી શકે છે? કેમકે ગત એક-બે સિઝનમાં રૈના રન નહોતા બનાવી શક્યા. વધતી ઉંમર સાથે સુરેશ રૈનાને IPLમાં ફરી જોવા મુશ્કેલ બની શકે છે. 

સુરેશ રૈનાની ઇન્ટરનેશનલ કરિયર છે શાનદાર 
ભારતીય ટીમના બેટ્સમેન સુરેશ રૈના સ્ફૂર્તિલા ફિલ્ડરોમાં પણ સામેલ છે. પરંતુ સુરેશ રૈના ઘણા વર્ષોથી ટીમની બહાર રહ્યા છે. IPL 2020 અને 2021ની સીઝન તેમના માટે ખાસ રહી નથી. જેને કારણે IPL 2020માં તેમને કોઈએ ન ખરીદ્યા. 

સુરેશ રૈનાએ 2020માં ઇન્ટરનેશનલ ક્રિકેટહી સન્યાસ લીધો હતો. તેમણે 226 વન ડે મેચમાં 5615 રન બનાવ્યા છે અને ભારત માટે 78 ટી 20માં 1605 રન બનાવ્યા છે. 18 ટેસ્ટ મેચમાં રૈનાએ 763 રન બનાવ્યા છે. તેઓ એમએસ ધોનીની કપ્તાનીમાં વર્લ્ડ કપ 2011 અને ચેમ્પિયંસ ટ્રોફી 2013 જીતનાર ટીમનો હિસ્સો હતા. સુરેશ રૈનાએ પોતાની બેટિંગના દમ પર ઘણી સિદ્ધિઓ મેળવી છે. તેમના યોગદાનને ભૂલવું અત્યંત મુશ્કેલ છે.