પબજી ગેમ પર પ્રતિબંધ મુકવામાં આવતા જાહેરનામાના મામલે નિરમા યુનિવર્સિટીના એક વિદ્યાર્થી હાઇકોર્ટમાં અરજી કરી છે. આ મામલે અરજદારે જણાવ્યુ હતું કે ઘરે બેસીને ગેમ રમે તો પ્રતિબંધ ન મૂકી શકાય. બંધારણની સ્વતંત્રતાનો ભંગ સમાન આ જાહેરનામું છે. તો હાઇકોર્ટે આ મામલે સરકારને જવાબ રજુ કરવા આદેશ કર્યો છે
ઉલ્લેખનીય છે કે, નિરમા યુનિવર્સિટીના એક વિધાર્થીએ દાવો કર્યો કે જો ઘરમાં બેસીને પબજી પર પ્રતિબંધ મૂકવામાં આવે તો બંધારણ મુજબ સ્વતંત્રતાનો ભંગ માની શકાય. હાઈકોર્ટે આ મામલે રાજ્ય સરકારને નોટીસ પાઠવી ખુલાસો માંગ્યો છે અને જવાબ રજૂ કરવા પણ જણાવેલ છે.
અત્યાર સુધીમાં 11 લોકોની કરાઇ ધરપકડ
અમદાવાદ સહિત દેશભરમાં લાખો યુવાનો અને કિશોરોને લાગેલી પબજી મોબાઇલની લત ચિંતાનો અને ચર્ચાનો વિષય બન્યો છે.અમદાવાદ સહિત શહેરોમાં પોલીસે પબજી પર પ્રતિબંધ મુક્યો છે અને અત્યાર સુધીમાં 11 યુવાનોની ધરપકડ પણ કરી છે.
બીજી બાજુ હવે ભારતમાં પબજી સામેના વિરોધ અને ચિંતાને ધ્યાનમાં રાખીને હવે પબજી ગેમના ડેવલપર્સ હવે નિયંત્રણ લાદવા જઇ રહી છે જેના કારણે હવે કોઇ પણ વ્યકિત એક દિવસમાં ૬ કલાકથી વધુ પબજી રમી નહીં શકે. હોળી-ધુળેટીના દિવસોમાં પબજીની ગેમમાં હેલ્થ રિમાઇન્ડર મળ્યા હોવાનું અનેક ગેમર્સ કહી રહ્યા છે. પબજીના શોખીન અનેક પ્લેયરે તેના સ્ક્રીનશોટ પણ સોશિયલ મીડિયામાં મુકયા છે.
પબજી ગેમ સતત બે કલાક રમ્યા બાદ સ્ક્રીન પર મેસેજ આવે છે.જો તમે તેને અવગણીને રમવાનું ચાલું રાખો તો ફરીથી ગેમમાંથી બ્રેક લેવાની સલાહ આપતો મેસેજ આવે છે. તેમ છતાં ગેમ ચાલુ રખાય તો ગેમનું સર્વર આપોઆપ પ્લેયરને અમુક સમય માટે બ્લોક કરી દે છે.