તમારા કામનું / 31 જુલાઇ બાદ પણ IT રિટર્ન ભરી શકાય? જાણો કોને મળે છે આ સ્પેશ્યલ સુવિધા

ઇન્કમ ટેક્સ રિટર્ન ફાઈલ કરવાની છેલ્લી તારીખ 31 જુલાઈ છે. આ તારીખ નજીક આવી રહી છે. જો ITR સમયસર ભરવામાં નહીં આવે તો દંડ ભરવો પડી શકે છે. પરંતુ અમુક ટેક્સપેયર્સ એવા છે જેઓ 31 જુલાઈ બાદ પણ  ITR ફાઈલ કરી શકે છે. 1 એપ્રિલથી ITR ભરવાની શરૂઆત થઈ હતી. નોકરિયાતવર્ગ, પેન્શન મેળવનાર, HUF અને જેને ઓડિટની જરૂર નથી તેવા લોકોએ 31 જુલાઈ સુધી ITR ભરી દેવાનું છે. પરંતુ આપણે એવા ટેક્સપેસર્સ વિશે જાણીશું જેમને 31 તારીખ બાદ પણ ITR ભરવાની સુવિધા આપવામાં આવી છે.

• 31 ઓક્ટોબર

જે વ્યાપારીઓના એકાઉન્ટને ઓડિટ કરવાની જરૂર રહે છે, તેવા વ્યાપારી 31 ઓક્ટોબર સુધી પોતાનું ઇન્કમ ટેક્સ રિટર્ન ભરી શકે છે. તેમને IT વિભાગ વધારાના 3 મહિના સુધીનો સમય આપે છે. આથી તેઓ CA પાસે ઓડિટ કરાવી શકે છે. ઈન્ડિવિઝ્યુઅલ વ્યાપારીને ઓડિટની જરૂર હોય તો તેમને પણ 3 મહિનાની છૂટ મળે છે.

વધુ વાંચો : ઉતાવળ ન કરતાં! ITR ફાઈલ કરતાં પહેલા આટલું અચૂક કરજો, થશે તગડો ફાયદો

• 30 નવેમ્બર
  ઇન્કમ ટેક્સ ડિપાર્ટમેન્ટ અમુક ખાસ પ્રકારની લેવડ દેવડ પર પણ ITR ભરવામાં છુટ આપે છે. જો કોઈ વ્યાપારમાં ઇન્ટરનેશનલ લેવલે કોઈ લેવડ દેવડ થઈ હોય તો તેના માટે ટ્રાન્સફર પ્રાઇસિંગ રિપોર્ટ અટેચ કરવો પડે છે. આવા વ્યાપારને પણ 30 નવેમ્બર સુધી ITR ભરવાનો સમય મળે છે. તેમાં ઇન્ટરનેશનલ સાથે અમુક ઘરેલું લેવડ દેવડ પણ સામેલ હોય છે.

• 31 ડિસેમ્બર
  આ સિવાય ઇન્કમ ટેક્સ વિભાગ અન્ય બાબતે પર છુટ આપે છે. જો કોઈને રિવાઇસ ITR ભરવાનું હોય તો 31 ડિસેમ્બર સુધી તેમને સમય આપવામાં આવે છે. પરંતુ તેઓએ દંડ અને વ્યાજ અને લેટ ફી ભરવુ પડે છે. જો તમે અપડેટેડ રિટર્ન ભરવા માંગો છો તો એનાં માટે 31 માર્ચ 2027 સુધીનો સમય આપવામાં આવ્યો છે. ઉલ્લેખનીય છે કે, અપડેટેડ ITR ભરવા જે આંકલન વર્ષમાં તમે ITR ભર્યું હોય તેનાથી 2 વર્ષ આગળનો સમય મળે છે.