યુક્રેન અને રશિયા વચ્ચે ચાલી રહેલા જંગથી ભારત પર શું અસર પડશે? હાલ ક્રૂડ ઓઈલના વૈશ્વિક ભાવ સતત વધવાના એંધાણ, ઈંધણ ભડકે બળશે
ભારત POK પર કરશે કબજો?
પાકિસ્તાન પર એટેક ન કરી શકે ભારત?
ભારત માટે મુશ્કેલી શું?
યુક્રેન પર હુમલો કરીને રશિયાએ પોતાનો શક્તિનો પરિચય આપ્યો છે.યુક્રેનના અનેક શહેર પર રશિયન સેનાએ કબજો કરી લીધો છે.ગમે તે સમયે રશિયા યુક્રેનની રાજધાની કીવ પર પણ પોતાનો ઝંડો લહેરાવી દે તો નવાઈ નહીં.આ બધાની વચ્ચે હાલ સોશિયલ મીડિયા પર લોકો કહી રહ્યા છે કે ભારતે પણ પાકિસ્તાન પર સ્ટ્રાઈક કરી POK કબજે કરી લેવું જોઈએ
રશિયાની માફક ભારત કરી શકે કાર્યવાહી? શું છે અડચણ
યુક્રેન પર રશિયાએ હુમલો કર્યો તેની ક્યાંક નિંદા તો ક્યાંક સમર્થન થઈ રહ્યું છે.ભારતમાં અનેક લોકો એવા છે જેઓ રશિયાને કાર્યવાહીના સમર્થનમાં છે.અને કહી રહ્યા છે કે કેમ આપણે પણ રશિયાની માફક POK પર હુમલો ન કરી શકીએ?.પરંતુ આનો જવાબ એ છે કે આપણે રશિયાની જેટલા સક્ષમ નથી.રશિયા પાસે શક્તિશાળી સેના છે.જો કે આપણી પાસે પણ શક્તિશાળી સેના છે.પરંતુ પાકિસ્તાનને ચીનનો સપોર્ટ છે.આ સાથે આપણે એક પરમાણું સંપન્ન દેશનો સામનો કરવો પડશે.જ્યારે યુક્રેન પાસે નતો પરમાણું હથિયાર છે અને ન તો નાટોની સેનાની સેના સાથ આપી રહી.જ્યારે ભારત પાકિસ્તાનના કેસમાં આ ચિત્ર અલગ ઉભુ થઈ શકે છે.
ક્રૂડ ઓઈલના વૈશ્વિક ભાવ સતત વધવાના એંધાણ
હવે તમે યુક્રેન અને રશિયા વચ્ચે ચાલી રહેલા જંગથી ભારત પર શું અસર પડશે? તે પણ જાણી લો.તો આ બન્નેની લડાઈથી ભારતની અર્થવ્યવસ્થાને નુકસાન થઈ શકે છે.પેટ્રોલ-ડીઝલની કિંમતમાં વધારો થઈ શકે છે.જેના કારણે અનેક બીજી વસ્તુના ભાવ આભને આંબી શકે છે.જેનાથી મોંઘવારી દરને સંભાળવો મુશ્કેલ થઈ શકે છે.રશિયા અને યુક્રેનની લડાઈથી ભારતને સૌથી મોટો ખતરો આ જ છે.બ્રેન્ટ ઓઈલની કિંમત આ સમયે 94.51 ડૉલર પ્રતિ બેરલ છે.થોડા સમય પહેલા જ આ કિંમત 101 ડૉલર પ્રતિ બેરલ પહોંચી ગઈ હતી.રશિયા ક્રૂડ ઓઈલનો એક મોટો નિકાસકાર દેશ છે.અનેક યુરોપિયન દેશ પોતાની ઊર્જા જરૂરિયાત માટે રશિયા પર નિર્ભર છે.જેમાં ગેસની આપૂર્તિ મહત્વની છે.રશિયાથી ક્રૂડ ઓઈલનો સપ્લાય ઠપ રહેવાથી ક્રૂડ ઓઈલના વૈશ્વિક ભાવ સતત વધી શકે છે.જેની સીધી અસર ભારત પર થશે.પેટ્રોલિયમ મંત્રાલયના કહેવા મુજબ આગામી નાણાંકિય વર્ષમાં દેશમાં પેટ્રોલિયમ ઉત્પાદનોની માગ 214.5 મિલિટન ટન પહોંચવાની આશા છે.અને આ ખપત ઉચ્ચતમ સ્તર પર હશે.2021-22ના સંશોધિત અનુમાનોથી 5.5 ટકા વધારે હશે.ભારત વિશ્વમાં પેટ્રોલિયમ પદાર્થોનું ત્રીજુ સૌથી મોટું ગ્રાહક છે.સાથે જ આગામી નાણાંકિય વર્ષમાં દેશમાં પેટ્રોલ-ડીઝલની ખપત રેકોર્ડ સ્તર પર પહોંચવાનું અનુમાન છે.આપણો દેશ પોતાની કુલ જરૂરિયાતનું 85 ટકા તેલ બહારથી મંગાવે છે.ક્રૂડ ઓઈલની કિંમતમાં વધારે નિશ્ચિત રીતે આયાત બિલને બગાડી દેશે અને બજેટનું ગણિત ગડબડ થઈ શકે છે.
GDP ગ્રોથ પર શું કરશે અસર?
ક્રૂડ ઓઈલ અને ખાદ્ય વસ્તુઓની કિંમતોમાં વધારે એશિયાની અર્થવ્યવસ્થા પર ખરાબ અસર કરશે.વધતી મોંઘવારી લોકોને રડાવશે.સાથે આર્થિક ગ્રોથ રેટ પણ પ્રભાવિત થશે. જો યુદ્ધની સ્થિતિ વધારે બનેલી રહી તો સૌથી વધારે નુકસાન ભારત, થાઈલેન્ડ અને ફિલિપિન્સને થશે.ક્રૂડ ઓઈલની કિંમતોમાં વધારાથી ગ્રાહકો અને વેપારીઓ પર ખુબ જ ખરાબ અસર પડશે.અનુમાન મુજબ તેલની કિંમતમાં પ્રત્યેક 10 ટકા ઉછાળા પર GDP ગ્રોથમાં લગભગ 0.20 ટકા પોઈન્ટનો ઘટાડો આવશે.ક્રૂડ ઓઈલની કિંમતોમાં વધારો થશે તો પેટ્રોલ-ડીઝલના ભાવ આભને આંબશે.અને આની સીધી અસર સામાન્ય લોકો પર પડશે.પેટ્રોલ-ડીઝલના ભાવ વધશે તો સીધી અસર ટ્રાન્સપોર્ટેશન મોંઘુ થશે જેનાથી ખાદ્ય સામગ્રીના ભાવ વધશે.
થોડા સમય પહેલા જ મૌદ્રિક નીતિ સમિતિની બેઠક પછી RBIના ગવર્નર શક્તિકાંત દાસે કહ્યું હતું કે નાણાંકિય વર્ષ 2023માં મુદ્રાસ્ફીતિ 4.5 ટકા રહેવાનું અનુમાન છે.પરંતુ રશિયા-યુક્રેન લડાઈથી મુદ્રાસ્ફીતિ ઉપર જવાનું જોખમ ઘણું વધી ગયું છે.અને તેના કારણે RBIએ મોંઘવારી કાબૂ કરી એક પડકાર બનશે.