જો તમે સરકારી નોકરીની તૈયારી કરી રહ્યાં છો અને ઇન્ડીયન એરફોર્સમાં નોકરી કરવાનું સપનું છે તો આ પોસ્ટ છે તમારા માટે
એરફોર્સ રેકોર્ડ ઓફિસમાં ગ્રુપ સી સીવીલીયન માટે ભરતી
પોસ્ટ માટે વયમર્યાદા 18 થી 25 વર્ષ
લાયકાત ખાલી ધોરણ 10 પાસ અને બેઝીક કમ્પ્યુટર જ્ઞાન
ઈન્ડિયન એરફોર્સમાં નોકરી માટેની સુવર્ણ તક
સરકારી નોકરીની તૈયારી કરી રહેલા યુવાનો માટે ઈન્ડિયન એરફોર્સ (આઈએએફ) તરફથી સારા સમાચાર આવ્યા છે. વાયુસેનાએ એરફોર્સ રેકોર્ડ ઓફિસમાં ગ્રુપ સી સીવીલીયન ભરતી માટે નોટિફિકેશન જાહેર કર્યું છે. આ પોસ્ટ્સ માટે 12મું પાસ ઉમેદવારો ઓફલાઇન અરજી કરી શકે છે. અરજી કરવાની છેલ્લી તારીખ 21 જૂન 2022 છે. આ પદો માટે ઉમેદવારોની પસંદગી લેખિત પરીક્ષા, શારીરિક પરીક્ષણ અને તબીબી પરીક્ષણના આધારે કરવામાં આવશે.
શૈક્ષણિક લાયકાત અને વયમર્યાદા
માન્યતા પ્રાપ્ત બોર્ડના 12 મા પાસ ઉમેદવારો આ પોસ્ટ માટે અરજી કરવા માટે પાત્ર છે. ઉમેદવારો કમ્પ્યુટરમાં અંગ્રેજી માટે પ્રતિ મિનિટ 35 શબ્દો અથવા હિન્દીમાં પ્રતિ મિનિટ ૩૦ શબ્દો ટાઇપ કરી શકવા જોઈએ. આ સિવાય તેમને કોમ્પ્યુટરનું પણ જ્ઞાન હોવું જોઈએ. તમામ પદો માટે 18થી 25 વર્ષની વયમર્યાદા નક્કી કરવામાં આવી છે. ઉંમરની ગણતરી 28 નવેમ્બર 2021ના આધાર પર કરવામાં આવશે. આ વિશે વધુ માહિતી તમને નોટિફિકેશનમાં મળશે.
પસંદગીની પ્રક્રિયા
અરજીની પ્રક્રિયા પૂર્ણ થયા બાદ વાયુસેના મેરિટના આધારે ઉમેદવારોની તપાસ કરશે. જે લોકો આ યાદીમાં સ્થાન મેળવશે તેમને લેખિત પરીક્ષા માટે કોલ લેટર મોકલવામાં આવશે. જે લોકો લેખિત પરીક્ષા, શારીરિક પરીક્ષણ અને તબીબી પરીક્ષણ પાસ કરશે તેમને ડોક્યુમેન્ટ્સની ચકાસણી પછી નોકરી મળશે.
આ રીતે કરો અરજી
આ જગ્યાઓ માટે અરજી કરવા ઉમેદવારોએ આ ભરતીનું નોટિફિકેશન અને એપ્લિકેશન ફોર્મ ખરીદવું પડશે. આ પછી, તેઓએ ફોર્મ ભરવાનું રહેશે અને તેમના તમામ જરૂરી દસ્તાવેજોની ફોટોકોપી સાથે સંબંધિત સરનામાં પર મોકલવાનું રહેશે. આ ભરતી વિશેની વિસ્તૃત માહિતી તમને નોટિફિકેશનમાં મળશે.