હકના પૈસા / નાના પરિવારોની મરણ મૂડી જેવા પૈસા 10-10 વર્ષથી સહારા ઈન્ડિયામાં ફસાયા, રૂપિયા ન મળે ત્યાં સુધી લોકોના ઓફિસે ધામા

• ધોરાજીમાં સહારા ઇન્ડિયાની ઑફિસમાં ધામા
• પૈસા પરત ન મળતા પરિવારે ધામા નાંખ્યા
• પૈસા પાછા નહી મળે તો આત્મવિલોપનની ચીમકી

સહારા ઇન્ડિયામાં હજી પણ અનેક નાના પરિવારો ની બચત ફસાયેલ છે. નાના પરિવારો હેરાન થઇ રહ્યા છે ત્યારે ધોરાજીના સહારા ઇન્ડિયા ની ઓફિસમાં 2 દિવસ થી 5 થી 6 જેટલા પરિવારો એ ધામ નાખ્યા એની અને 2 દિવસ થયા અહીં રાત દિવસ સુઈ રહ્યા છે અને તેવો એ અહીં જમા કરેલ નાની બચત ના પૈસા પરત નહિ મળતા તેવો હેરાન પરેશાન છે.

પૈસા પરત ન મળતા ઑફિસમાં ધામા

આ પરિવારો છેલ્લા 10 વર્ષ થયા સહારા પરિવારમાં થોડા થોડા પૈસા ની બચત કરતા હતા અને જયારે મુદત પુરી થઇ ને પાકી ગયા બાદ સહારા દ્વારા આ પૈસા ફરી પાંચ 3 વર્ષ ની મુદ્દત માં જમા કરી દેવા કહ્યું હતું અને તે બાદ પણ સહારા દ્વારા હક્ક ના મરણ મૂડી જેવા પૈસા પરત નહિ મળતા આ પરિવારોની મુશ્કેલીમાં વધારો થયો હતો. સહારા ની ઓફિસમાં આંદોલન માં ઉતરેલ આ નાના પરિવારો માટે આ પૈસા મરણ મૂડી સમાન હતા, કોઈ એ તેની દીકરીના લગ્ન માટેના હતા તો કોઈએ દવાખાના માટે જમા કરેલ હતા,  વા પરિવારોને જરૂરિયાતના સમયે આ પૈસા પરત નહિ મળતા તેવો એ સહારા ની ઓફિસમાં જ છેલ્લા 2 દિવસ થી અડિંગો જમાવ્યો છે.

મારા હાથમાં કંઇ નથી- મેનેજર, સહારા ઇન્ડિયા, ધોરાજી

છેલ્લા 10 વર્ષથી આ સમસ્યા છે. પૈસા પાછા મેળવવા માટે લોકો ધક્કા ખાઇ રહ્યા છે પરંતુ આજદિન સુધી પૈસા પરત મળ્યા નથી. ત્યારે તો હવે આ લોકોએ નક્કી જ કર્યુ છે કે જ્યાં સુધી પૈસા પરત નહી મળે ત્યાં સુધી તેઓ અહીં જરહેશે.   તેનાથી પણ કોઇ ઉકેલ નહી આવે તો આત્મહત્યાની પણ ચીમકી ઉચ્ચારી હતી. આ સમગ્ર મામલે ધોરાજીની સહારા ઇન્ડિયાના ઑફિસ મેનેજરે પોતાના હાથમાં કંઇ નથી. પૈસા નથી તેમ કહીને હાથ અધ્ધર કરી દીધા.